ЖИЗЗАХ

Манзил: Жиззах шаҳри, Ш.Рашидов шох кўчаси 63-уй

Телефон: (72) 226-61-32, 226-61-22

Электрон манзил:  jizzax@adolat.uz

Янгиликлар
News

Менда таклиф бор: Олий маълумотлилар иш топишга қийналмоқда

Ёш авлодни маънавий-аҳлоқий тарбиялашда халқнинг бой миллий маданий-тарихий анъаналарига, урф-одатлари ҳамда умумбашарий қадриятларга асосланган самарали ташкилий, педагогик шакл ва воситалари ишлаб чиқилиб, амалиётга жорий этилмоқда. Шахсни тарбиялаш ва уни ҳар томонлама камол топтиришнинг устуворлиги таъминланмоқда. Умумий ҳамда педогогик маданиятни ошириш мақсадида мамлакат аҳолиси орасидаги маърифий ишлар такомиллаштириб борилмоқда.  Ўзбекистон мустақиллиги принципларига садоқатли ҳамда жамият тараққиётига муносиб ҳисса қўшишга қодир шахсни шакиллантириш мақсадида таълим муассасалари ота-оналар, оила, маҳалла қўмиталари, жамоат ташкилотлари, фондлар билан ўзаро пухта ҳамкорлик олиб борилмоқда. Лекин шунга қарамасдан ёшларимиз олий ўқув юртларини тамомлагач ўзларининг мутахассисликлари бўйича иш топишда кўплаб муаммоларга дуч келишмоқда. Бу ҳолатнинг олдини олиш мақсадида таълим муассасалари ҳамда тадбиркорлик субъектлари ўртасида ҳамкорлик ўрнатиш, эҳтиёжларига мос равишда кадрлар тайёрлаш тизимини жорий этиш лозим. Бунда тадбиркорлик субъектлари томонидан маълум ихтисосликлар бўйича таълим муассасаларига буюртма берилади. Шарофат ХАСАНОВА, Ўзбекистон “Адолат” СДП Жиззах вилоят Кенгаши мутахассиси   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Менда таклиф бор: Тадбиркорларга кредит фоизсиз берилсин

Бугунги кунда кичик бизнес ва тадбиркорлик соҳасини қўллаб-қувватлаш ва рағбатлантириш, бу соҳа улушини янада ошириш учун қулай шарт-шароитлар яратиб бериш ишларига катта эътибор қаратилмоқда. Бундан мақсад юртимизда тадбиркорлар сонини янада оширишдан иборат. Агар жамиятда тадбиркорлар кўп бўлса, тинчлик ва осойишталик, барқарорликка интилиш кучли бўлади. Тадбиркорлик яхши ривожланган жамиятда яратувчанлик, илм-маърифат ва саҳоват етакчи ўрин тутади. Тадбиркорлик ўз фаолиятидан тўланадиган солиқ ва ажратмалар орқали давлат бюджети даромадларини ҳам таъминлайди. Бюджет маблағлари қанчалик кўп бўлса, жамият аъзоларига хизмат қилувчи шарт-шароитлар (уй-жойлар, йўллар, тиббиёт муассасалари, ўқув масканлари ва бошқалар)ни янада яхшилаш имкони пайдо бўлади. Демак, тадбиркорликнинг аҳамияти унинг ҳар бир шахс, жамият ва давлатнинг имкониятларини кенгайтириши орқали намоён бўлади. Шунга қарамасдан, мамлакатимиздаги кичик саноат зоналарида тадбиркорлар кўплаб муаммоларга ва қийинчиликларга дуч келишмоқда. Ушбу муаммолардан бири банклар томонидан тадбиркорларга ажратилган кредит фоизларининг юқорилигидир. Кичик саноат зоналари тавсиясига асосан тадбиркорларга имтиёзли ёки фоизсиз, узоқ муддатли кредитлар ажратилса аҳоли бандлиги ва фаровонлиги кескин ошган бўларди. Банк кредитлари ажратилиши соҳаси тўла шаффоф бўлиши ҳамда чет эл капитали асосидаги банкларни кўпайтириш, улар орасида соғлом рақобат муҳитини шакллантириш масалаларига алоҳида эътибор қаратишимиз лозим. Тижорат банкларини кўпайтириш орқали берилаётган сармоялар миқдорини ошириш ҳамда кредит фоизларини камайтиришга эришишимиз керак. Қолаверса, саноат зоналаридан ажратилаётган ерларда тадбиркорларга ўзи истаган маҳсулотларни ишлаб чиқариш ҳуқуқи берилса, уларнинг фаолияти жонланиб, ёшлар учун янги иш ўринлари пайдо бўларди. Чунки тадбиркор маҳсулот ишлаб чиқаришда бозор талабидан келиб чиқади. Жахонгир НОРТОШЕВ, Халқ депутатлари Жиззах шаҳар Кенгаши депутати   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Менда таклиф бор: Нега таълим лотин алифбосида-ю, матбуот кириллда?

Тил – миллий қадриятларни бирлаштириб, туташтириб, намоён этиб турувчи энг мустаҳкам занжир, бой ва чексиз маънавий хазина. Тил инсоннинг бирламчи эҳтиёжи, англаш, билиш, сўзлаш, алоқа-муносабат воситаси, мансуб-хослик омили бўлгани боис ҳамиша жамият равнақининг асосий мезонларидан бўлиб келган. Жумладан, ўзбек тили ўзбек миллатининг узоқ тарихий илдизларига, ўз сиёсий-ҳуқуқий асосларига эга муқаддас қадрияти, улкан маънавий ютуғидир. Аммо бугунги кунда ўзбек тилининг давлат тили сифатидаги мақомини мустаҳкамлашга етарли эътибор берилмаяпти. Ҳали хам таълимнинг лотин ёзувида, матбуотнинг эса кирилл ёзувида олиб борилаётгани таажжубланарли ҳолат. Бундан ташқари, турли даражадаги ижтимоий муносабатлар, халқаро алоқалар, фан-техника тараққиёти, глобаллашиш жараёнлари миллий тил қиёфасига ҳам муайян даражада ўз таъсирини ўтказмоқда, ички ва ташқи таҳдидлар хавфини оширмоқда. Кўп тил билиш – ривожланишнинг илғор қонунияти, муваффақият гарови. Аммо ўз миллий тилингни унутиш, ўзга тиллар билан чоғиштириш, қориштириш эвазига эмас! Бундан кўриниб турибди-ки, бизнинг биринчи навбатдаги вазифамиз, авваламбор, давлат тили бўлган ўзбек тилимиздаги ана шундай ҳолатларни бартараф этишдир. Шу каби муаммоларни ҳал этмасдан туриб, қандай қилиб ўзбек тили мавқеини оширишимиз мумкин, деган табиий савол туғилади. Демак, ўзбек тилининг давлат тили мақомидаги ўрнини янада мустаҳкамлаш, қонуний асосларни кенгайтириш, қатъийлаштириш зарур. Нигора БОЗОРБОЕВА, Халқ депутатлари Жиззах вилоят Кенгаши депутати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Менда таклиф бор: Қишлоқларда уй-жой қурилишини тартибга солиш керак

Агротуризм (қишлоқ туризми) сайёҳларнинг қишлоқ аҳолиси турмуш тарзи ва анъаналари, урф-одат ва удумлари ҳамда қишлоқ хўжалиги маҳсулотларини етиштириш, сақлаш ва қайта тайёрлаш жараёнларини кўриш, ўзлари ҳам иштирок этишлари мақсадида ташриф буюришлари ҳисобланади. Агротуризм тез суръатларда ривожланаётган мамлакатлар қаторига Греция, Малайзия, Германия ва Россияни киритиш мумкин. Бунга сабаб ушбу мамлакатларда агротуризм ривожига давлат даражасида эътибор қаратилганидир.  Сўнги йилларда тоғ олди қишлоқлардаги аҳоли сонининг ошиши бир қанча муаммоларни келтириб чиқармоқда. Масалан ўша ҳудудларда яшовчи аҳолининг чорвачилик билан шуғулланиши натижасида табиий ландшафтларга зарар келтириляпти, доривор ва ноёб ўсимликлар камайиб кетаяпти, қолаверса аҳоли сонининг ўсиши билан тоғларга қатнов кўпайиб, тоғлардаги муҳитнинг ифлосланиши ва бузилишига сабаб бўлаяпти. Тоғлар мамлакатимизнинг эстетик бойлигидир. Уларни келажак учун асрашимиз лозим. Шу сабабли мазкур муаммолар кескинлашиб кетишини ҳисобга олган ҳолда уларни олдини олиш учун қишлоқларда аҳоли уй-жойлари қурилишини тартибга солиш, аҳоли жойлашуви ва уй-жой қуриш, фойдаланиши мумкин бўлган ҳудудлар чегарасини қатъий белгилаш, саноат корхоналари, аҳолига хизмат кўрсатиш соҳаларини ривожлантириш ва бошқа чора тадбирларни кўриш лозим. Агротуризмни ривожлантириш мамлакатимизда янги туризм тўлқинини бошлаб беришига шубха йўқ. Бунинг учун мамлакатда туризм йўналишида кенг миқёсда фаолият юритувчи менежментларни тайёрлаш, қишлоқ уй меҳмонхоналарида дам олган сайёҳларни рўйхатга олиш лозим. Воҳид САИДХОНОВ, Ўзбекистон “Адолат” СДП Жиззах вилоят Кенгаши партия фаоли Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: “Тез ёрдам” тезлигини ошириш лозим

Юртимизда аҳоли турмуш даражасини янада яхшилаш, кўрсатилаётган тиббий хизматлар сифати ва самарадорлигини ошириш борасида изчил ислоҳотлар амалга ошириляпти. Бу соғлиқни сақлаш тизимининг тез тиббий ёрдам хизмати фаолиятига ҳам таалуқлидир. Юртбошимиз таъкидлаётганидек, халқимизни рози қилиш учун, аввало, аҳолининг тиббий хизматга бўлган талабини қондириш зарур. Аҳолига кўрсатилаётган тиббий хизмат даражасини ошириш борасида мамлакатимизда тизимли ишлар амалга ошириляпти. Айниқса, “Тез тиббий ёрдам” самарадорлигини ошириш борасидаги тадбирлар эътиборга моликдир. Хусусан, тиббиёт ходимларининг касбий малакаси ва маҳоратини ошириш, соҳага инновацион технологияларни жорий этишга алоҳида  эътибор қаратиляпти. Шунга қарамасдан, мамлакатимизнинг чекка худудларидаги “Тез тиббий ёрдам” бўлими ва шаҳобчаларида шифокорларнинг етишмаслиги кеча ёки бугунги муаммо эмас. Боз устига уларнинг аксариёти “Тез тиббий ёрдам”да қўлланилиши лозим бўлган стандартларни тўлиқ билмайди. Қолаверса, аҳолиси тарқоқ жойлашган худудларда хизмат кўрсатиш даражаси бунданда аянчли. Соғлиқни сақлаш вазирининг 2018 йил 19 февралдаги 105-сонли буйрйғи билан тасдиқланган “Тез тиббий ёрдам давлат хизмати тўғрисида”ги Низомнинг 2-боб, 11-бандига асосан “Тиббиёт бригадасининг чақириқ рўйхатдан ўтказилган пайтдан бошлаб бириктирилган ҳудуднинг исталган жойига 25 дақиқадан кечикмай келиш имконияти тез тиббий ёрдамнинг кичик станциялари ва таянч пунктлари сони ва жойлашиш жойларини белгилашда асосий меъзон хисобланади”, деб кўрсатилган бўлсада, радиуси 25 километрдан узоқ бўлган қишлоқларда қўшимча шахобча ва бригадалар ташкил этиш ҳамон муаммолигича қолмоқда.   Хулоса қилиб айтганда, шифокорлар билим ва малакаларини оширишлари учун барча шароитлар яратиб берилаябти. Соҳа ходимлари олдида турган эндиги вазифа фақатгина аҳолига кўрсатилаётган тиббий хизмат сифати ва самарадорлигини оширишдан иборат бўлмоғи лозим.Ана шундагини аҳолининг тиббий хизматга бўлган талаби қондирилади. Шунда халқимиз биздан рози бўлади. Ориф ЗИЯЕВ, Халқ депутатлари Жиззах шаҳар кенгаши депутати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Электрон амбулатор карталар жорий этилса...

Аҳоли ўртасида юқумли касалликлар тарқалишининг олдини олиш профилактик тадбирлар сифатини яхшилашга узвий боғлиқдир. Очиғини айтганда, тиш касалликлари бўйича шифокорга марожаат қилмаган бўлмаса керак. Беморнинг тишини бир марта даволаш учун шифокор бир неча дона стоматологик асбоб-ускуналардан фойдаланишини врач қабулида бўлган беморлар яхши билишади. Бу асбоб-ускуналарни пешма-пеш зарарсизлантириб туриш жиддий масъулиятни талаб этади. Демак, стоматология поликлиникалари, хусусий шаклда хизмат кўрсатаётган стоматологик муассасаларда тегишли тартибда назорат ишларини олиб бориш, стоматологик асбоб-анжомларнинг стерилизация ҳолатини талаб даражасида бўлишини доимий таъминлаш лозим. Шунингдек, жойларда фаолият юритаётган гўзаллик салонларида хизмат кўрсатиш учун фойдаланилаётган асбоб-анжомларни доимий зарарсизлантириб бориш хусусида ҳам шундай фикрларни айтиш мумкин. Тиш шифокори ёки гўзаллик салонига борган киши улардан “бу асбобда вирус йўқми?”, деб сўраши, соғлиғига зарар етмаслигига ишонч ҳосил қилиши, бирор касалликни юқтириб олмаслиги шарт.  Тиббий хизмат фаолияти билан боғлиқ яна бир масалага ҳам алоҳида эътибор қаратиш лозим. Яъни оилавий поликлиникаларда беморларнинг касаллик тарихи варақалари, яъни амбулатор карталар эътиборсизлик туфайли йўқолиб қолиш ҳолатлари кузатилади. Ўйлаймизки, электрон амбулатор карталарни ташкил этиш орқали бу каби салбий ҳолатларга барҳам бериш мумкин. Тиббиёт ходимлари Ўзбекистон “Адолат” СДП аъзоларининг кўпчилик қисмини ташкил этади. Демак, юқорида тилга олинган масалалар соҳада иш олиб бораётган сафдошларимизнинг вазифаси саналади. Мазкур вазифалар партиямизнинг Сайловолди дастуридан ўрин олиб, маслакдошларимиз ташаббуси билан амалиётга изчил татбиқ этилса, фуқароларимиз соғлиғини асраб-авайлашга кўпроқ ҳисса қўшган бўлар эдик. Ориф ШУКУРОВ, Ўзбекистон “Адолат” СДП Жиззах вилоят Кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: Саноатни деб, саломатликдан воз кечмайлик

Барчамизни қийнаётган аномал исиш, қишнинг қорсиз ўтиши глобал экологик муаммоларнинг биридир. Атмосфера ҳавосининг ифлосланиши ҳаво таркибига физик, кимёвий, биологик моддалар аралашуви ёки табиий ўзгаришларга учраши ҳисобланади. Бутунжаҳон соғлиқни сақлаш ташкилоти маълумотларига кўра, инсонлар орасида юзага келаётган онкологик касалликларнинг асосий қўзғатувчиларидан бири атмосфера ҳавосининг ифлосланишидир. Табиийки ишлаб чиқариш, саноат корхоналари, завод-фабрикалар атмосфера ҳавосининг турғун ифлослантирувчи манбалар ҳисобланади. Айнан шу ифлослантирувчи моддалар озон қатламининг емирилишига сабаб бўлади. Саноати ривожланган катта шаҳарлар ва саноат марказларининг  атмосфера ҳавосидаги чанг, тутун, қурум ва туманлар баъзи вақтларда қуёш нурларини тўсиб қўйиб ультрабинафша нурларининг ўтишига йўл бермайди. Бу эса ўз навбатида турли касалликларни, айниқса болаларда рахит касаллигини келтириб чиқаради. Ҳудудлардаги тоғ ва тоғ ён бағирларида арчазорлар, бодомзор ва ёнғоқзорлар шифобахш атмосфера ҳавосини тозалашда табиий дори воситаларидир. Ана шу бойликни асраб қолиш, кўпайтириш, саноатни ривожлантириш билан бирга унинг экологияга салбий таъсирини камайтириш масалалари олим ва тадқиқотчилар олдидаги муҳим вазифалардандир. Баходир УСМОНОВ, Ўзбекистон “Адолат” СДП Жиззах вилоят Кенгаши туманлараор ижрочи котиб Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Менда таклиф бор: Туризм – фабрика эмас, уни хусусий сектор ривожлантиради

Туризм бугунги кунда тез ривожланаётган ва даромади бўйича етакчи соҳалардан бири ҳисобланади. Хусусан, Ўзбекистонда эришилаётган муваффақиятлар замирида иқтисодиётни либераллаштиришни чуқурлаштириш, мамлакатни модернизациялаш, барча соҳаларни, хусусан, ҳизмат кўрсатиш соҳасининг етакчи тармоқларидан бири бўлган туризмни ҳам барқарор ривожлантириш ётибди. Ҳозирги кунда ҳизмат кўрсатиш тармоғининг муҳим таркибий қисми бўлган туризм соҳасини жадал суръатларда ривожлантириш мамлакатимиз иқтисодиётининг устувор йўналишларидан бири ҳисобланади. Туризм дунё тамаддунининг бош гултожи бўлиб, ҳозирги кунда саёҳат инсоният мақсадларининг асосини ташкил қилиб келмоқда. Айниқса, миллий туризмнинг ривожлантириш истиқболлари, Ўзбекистонда туризм индустриясининг жаҳон бозоридаги мавқеини оширишга кўмаклашади. Фикримизнинг исботи сифатида бугунги кунда туризм соҳасида катта ютуқларга эришилаётганлиги, тез суръатлар билан ўсиб бораётганлиги, янгидан – янги меҳмонхоналарнинг барпо этилаётганлиги, ишчи ўринлари сонининг кўпайиши, малакали мутахассисларнинг ортиб бориши, туристлар оқимининг йилдан – йилга кўпаяётганлигини таъкидлаб ўтишимиз жоиз. Туризмнинг маҳаллий аҳоли учун ҳам катта фойдаси бор. Улар иш билан таъминланади, турли миллат, элат ва халқ вакиллари билан мулоқотда бўладилар ва уларнинг турли анъана ва қадриятлари билан танишадилар, доимий даромад олиб туриш имконияти эга бўладилар, маҳсулотларни сотиш имкониятига эга бўладилар, маҳаллий аҳоли имкон қадар ўзларининг анъана ва қадриятларини намойиш қилиш учун уни сақлаб қоладилар ва унутилганларини тиклайдилар, меҳмон кутишнинг жозибадор анъаналарини тиклаш билан бирга меҳмондорчилик анъанларини такомиллаштириб борадилар. Охир оқибатда маҳаллий аҳолининг дунёқараши, маданий савияси ҳам мутассил ўсиб боради. Ўзбекистон ҳам сайёҳлик салоҳияти мавжуд бўлган юрт. Эндинги вазифа уни  янада ривожлантириш, ташриф буюрувчи одамларнинг сонини оширишдир. Бунда асосан фуқаролар масъулиятни  ўз зиммаларига олиши керак. Яъни, ҳамма ишни давлатга юкламасдан ҳусусий секторнинг улушини ошириб бориш керак. Ўзбекистонда давлат томонидан соҳа ривожи учун етарлича ишлар амалга оширилган. Эндиликда туризмга қизиқувчи одамлар сонини ошириш, аҳолида рағбат уйғотиш зарур. Туризм тайёр маҳсулот ишлаб чиқарувчи фабрика эмас. Уни давлат эмас, хусусий сектор ривожлантиради.    Маҳмуд ХОЛБОЕВ, Ўзбекистон “Адолат” СДП Жиззах вилоят Кенгаши туманлараро ижрочи котиби   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP     ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!