Маҳаллаларда ахоли билан учрашувлар

“Адолат ҳар бир инсон учун” шиори остида Сергели туман партия ташкилоти вакиллари томонидан тумандаги “Саховат” МФЙда аҳоли билан учрашув ўтказилди. Унда депутатлар иштирокида ахоли муаммолари ўрганилди. Натижада маҳалладаги ижтимоий ҳимояга мухтож аҳоли муаммолари мутасаддилар эътиборига олиниши белгиланди.

Яшнобод туман “Бунёдкор” МФЙ да “Адолат” СДП Яшнобод туман Кенгаши томонидан “Ёт маданият маънавий таназзулга етаклайди” мавзусида тадбир ташкил этилди.

Мадина Иброҳимова, “Аёллар қаноти” фаоли:

-     Ёшларда турли ахборот хуружлари, маънавиятимизга ёт бўлган ғояларга нисбатан мафкуравий иммунитетни шакллантиришда уларни ёшлигиданоқ буюк алломаларимиз ҳаёти, инсоний фазилатлари ва илмий меросларидан ибрат олишга ўргатиш, халқимизнинг миллий маънавияти, оила қадриятлари асосида тарбиялаш муҳим аҳамиятга эгадир. Зеро, ҳар қайси давлатнинг ёшлари унинг эртанги кунини, тақдирини белгиловчи куч саналади. Шундай экан, мафкуравий иммунитет ёшларнинг маънавий тарбиясида ҳал қилувчи мезон эканини назарда тутиб иш олиб боришимиз зарур.

Тадбир давомида иштирокчилар ўзларини қизиқтирган саволларга атрофлича жавоб олишди.

Шу каби учрашувлар қолган БПТларда ҳам ташкил этилмоқда.

Меҳринисо БОБОНАЗАРОВА,

“Адолат” СДП Тошкент шаҳар Кенгаши

матбуот котиби