Муаммолар ўз ечимини топади

Боғот туманидаги "Навбаҳор" маҳалласида 9-"Қораёнтоқ" сайлов округидан сайланган туман Кенгаши депутати Майсара Худайберганованинг  сайловчилар билан учрашуви бўлиб ўтди

Учрашувда сайловчилар билан бир қаторда, Халқ депутатлари туман кенгаши котибияти мудири  М.Қурязов ҳамда партия туман Кенгаши фаоллари  иштирок қилдилар.

    31-сон умумтаълим  мактаб  директори Илҳом Рўзибоев мактабга тегишли  электр токи трансфарматор жуда эскириб қолгани, унинг устига  трансфарматордан 350 дан ортиқ фуқаро фойдаланиб келаётгани боис, электр токи етишмаётганлигидан бир қатор муаммолар содир бўлаётгани тўғрисида гаприб, амалий ёрдам беришни сўраб мурожаат қилди.

"Алломалар" кўчасида яшовчи фуқаро  Худайберган Отажонов ва бошқалар  маҳалладаги ички йўлларнинг таъмирталаб ҳолатга келиб қолгани боис, қишнинг қировли, ёзнинг чанг тўзонли кунларида йўловчиларга ноқулайликлар келтираётгани хусусида баён этишди ва  ҳеч бўлмаганда тупроқ йўлларга шпес ташлаб беришда амалий ёрдам сўрашди.

Шунингдек бандлик, тиббий хизмат, кредит олиш ва тадбиркорлик масалаларига қаратилган бир қатор мурожаатлар ҳам ўртага ташланди.

   Майсара Худайберганова раҳбарлигидаги фаоллар, муамоларни ўрганишди ва натижаси юзасидан тегишли ташкилотларга депутатлик сўровлари орқали мурожаат этиладиган бўлди.

  Туманда депутат учрашувлари давом этмоқда.

                                                                                                                Замира АБДУЛЛАЕВА,
                                                    “Адолат” СДП Хоразм вилоят Кенгаши матбуот котиби