2020 йилда қандай ишларга улгурдик?

Қарши  шаҳридаги “Ёшлар маркази” тадбиргоҳида Ўзбекистон “Адолат” СДП  вилоят Кенгаши  томонидан матбуот анжумани бўлиб ўтди.  Унда партия фаоллари, маҳаллий кенгаш депутатлари, ёшлар  ташкилотлари  вакиллари,  оммавий ахборот воситалари  ходимлари  қатнашди.

Матбуот анжуманида партия  вилоят Кенгаши  раиси Руиддин  Раупов  вилоят  партия ташкилотлари  томонидан  ўтган  йили амалга оширилган  кенг қамровли  ишлар  ҳақида  маъруза  қилди.

-2020 йил бутун дунё  ҳамжамияти  учун  ниҳоятда  оғир  кечди,- деди Руиддин Раупов. – Шундай  бўлсада,  партия  ташкилотларимиз  ўз  имкониятларидан  келиб  чиққан  ҳолда  партиявий-ташкилий  ишларда  юқори  самарадорликка эришдилар. Биргина  фаолларимиз  томонидан   451  маротаба  сиёсий  ўқувлар  ташкил  этилиб, 3625 нафар  иштирокчилар  қамраб  олинди. Йил  бошидан  буён    партия  аъзоларимиз  сонини  олти минг  нафарга  ўстиришга эришилди.  Партиянинг “Адолат – қонун устуворлигида”  лойиҳаси  доирасида  фаолларимиз  ва  депутатларимиз  фуқаролар  билан  юзма-юз  мулоқотлар  уюштиришди.

Шунингдек, нотиқ  ўтган  йил партия фаоллари  воҳадаги  695  та   маҳалла  фуқаролар  йиғинларида  бўлиб, 3665 та  хонадонлардаги  аҳволни  ўрганганликлари,  аҳоли  томонидан  344  та  мурожаатлар   бўлганлиги  ва   ушбу   шикоятларнинг  асосий  қисми  жойида  ҳал  этилганлиги,  106  тасига эса  ҳуқуқий  маслаҳатлар  берилганлигини  таъкидлади. Бундан  ташқари  партия  вилоят  Кенгаши  томонидан  юзга  яқин  турли  мавзудаги  тадбирлар  ўтказилиб, уларда  уч  минг  нафар  фуқаролар  қатнашди. Ўтказилган  барча  тадбирлар  ОАВларда ёритилди.

ОАВ вакиллари  билан  учрашувда  партия  масъуллари  “Адолат қабулхонаси” га  фуқаролардан  келиб  тушаётган  мурожаатлар  хусусида  ҳам  ахборот  бердилар.  Ўтган  йили  “Адолат  қабулхонаси” га  фуқаролардан  200 дан  ортиқ  ариза  ва шикоятлар   келиб  тушди.  Партия  фаолларининг  ўз  вақтида   кўрган   чора-тадбирлари  туфайли  фуқароларни   қийнаб  келаётган   жумбоқлар   ҳал  этилди. Дарвоқе,  2020 йил давомида  вилоят  партия  фаоллари  аралашуви  билан  200  нафарга  яқин   ишсиз   ёшлар  ижтимоий  фойдали  меҳнатга  жалб  этилди.

Матбуот  анжуманида  оммавий  ахборот  воситаларини  қизиқтирган  партия  фаолиятига  оид   барча  саволларга   масъуллар  томонидан  батафсил  жавоб  қайтарилди.

Дилрабо  ЧОРИЕВА,

Ўзбекистон “Адолат” СДП  Қашқадарё  вилоят Кенгаши  бош  мутахассиси