Адолат — ҳаётимизнинг бош мезони

Куни кеча Ўзбекистон “Адолат” СДП Сиёсий Кенгаши томонидан Фарғона вилоятининг Қувасой шаҳри марказидаги Маданият ва истироҳат боғида  “Адолат ҳаётимизнинг бош мезони” номли маданий-кўнгилочар акция ўтказилди.

Тадбир ҳақида ОАВ ва ижтимоий тармоқларда эълонлар берилган бўлиб, бу кўпчиликнинг эътиборини тортди ва ташриф буюриш истагини туғдирди. Буни истироҳат боғи бўйлаб одамларнинг гавжумлигидан билиш мумкин.

Сайл аввалида янграган карнай-сурнай наволари барчага кўтаринкилик бағишлади. Ансамбллар ва эстрада хонандаларининг чиқишлари сайл иштирокчиларига манзур бўлди.

Сайл доирасида интерактив ўйинлар, совринли викториналар ўтказилди. Бу иштирокчилар, айниқса улар орасидаги ёшларни ўзига жалб этиб, фаол қатнашишга ундади. Ғолиблар партиянинг эсдалик совғалари билан тақдирланди.

Партия ташаббуси билан ташкил этилган сайли вилоятнинг барча туман ва шаҳарларида давом эттирилади.

Ўзбекистон “Адолат” СДП

Матбуот хизмати