Адолат-инсон қадри учун

Ўзбекистон «Адолат» СДП Қизириқ туман Кенгаши ва туман «Аёллар қаноти» Кенгаши томонидан туман ахборот кутубхона марказида «Ўзбекистон – инсон қадри улуғланган юрт» лойиҳаси доирасида «Адолат – инсон қадри учун!» мавзусида тадбир ўтказилди. Тадбирда партиянинг Қизириқ туман кенгаши ва «Аёллар қаноти» Кенгаши фаоллари, БПТлар аъзолари, кутубхона ходимлари иштирок этишди.

Маърузачилар йиғилганларга инсон қадрини улуғлаш, ҳар бир фуқаронинг манфаатларини тўлақонли ҳимоя қилиш ва жамиятда адолатни қарор топтириш мақсадида мамлакатимизда амалга оширилаётган изчил ислоҳотлар ҳақида атрофлича тушунча бердилар.

Шунингдек,бугунги кунда гендер тенгликни таъминлаш борасида эришилаётган ижобий натижалар, айниқса, хотин-қизларнинг ижтимоий-сиёсий фаоллигини ошириш, уларнинг давлат ва жамият ҳаётидаги ўрнини мустаҳкамлаш масалаларига ҳам алоҳида тўхталиб, партиянинг ушбу йўналишдаги лойиҳалари ва саъй-ҳаракатлари хусусда ҳам таъкидланиб ўтилди.

Зуҳра Турсунова, Қизириқ туман тиббиёт бирлашмаси катта ҳамшираси, БПТ аъзоси:

• Тадбирда инсоннинг маънан камол топишида маънавий фазилатлардан бири бўлган ватанпарварлик, касбга садоқат ҳамда ҳалолликнинг ўрни мазмун ва моҳияти ҳақида фикр-мулоҳазалар билдирилди. Бу уч фазилат инсоннинг шахсий ривожланиши, жамиятдаги муваффақиятли фаолияти ва миллий ўзликни англашда муҳим ўрин тутиши қайд этилди.

Юртимизда кечаётган улкан ўзгаришлар ва янгиланишлар даврида инсон шаъни, қадр-қимматини улуғлаш ва фуқароларимизнинг эркин ва фаровон турмушини таъминлаш йўлида беқиёс ислоҳотлар олиб борилаётганлиги эътироф этилиб, уларни амалга ошириш механизмлари ҳамда истиқболи юзасидан фикрларини билдириб ўтдилар. Тадбирда партиянинг устувор мақсадлари, дастурий ғоялари ва лойиҳалари ислоҳотларга ҳамоҳанг эканлиги эътироф этилиб тўлиқ қўллаб-қувватлаш ҳамда унинг такомиллашиб, татбиқ этилишида партия электорати, қолаверса, партиянинг хотин-қизлари фаол ташаббускор бўлишлари тўғрисида келишиб олинди.

Тадбир якунида иштирокчилар ўзларини қизиқтирган саволларига тегишлича жавоблар олишди.

Шоҳиста Алиева,
«Адолат» СДП
Қизириқ туман «Аёллар қаноти»
Кенгаши фаоли