«Адолат» кубоги» мусобақасида фарғоналик ёшлар фаол

Ўзбекистон «Адолат» социал демократик партияси Марғилон шаҳар Кенгаши ҳамда Shidokan karate федерацияси ҳамкорлигида шаҳардаги 23-мактабда Фарғона вилояти миқёсида ўсмирлар ўртасида «Адолат кубоги» учун спорт мусобақаси ўтказилди.

Унда Фарғона вилоятининг Тошлоқ, Қува, Қўштепа туманлари ва Марғилон шаҳрида истиқомат қилувчи 7 ёшдан 15 ёшгача бўлган юзлаб ўсмирлар ўзаро беллашдилар.

Ўзбекистон «Адолат» социал демократик партияси Фарғона вилоят Кенгаши раиси Шаҳноза Ғаниева ҳамда партия фаоли Шаҳбозжон Юлдашалиевлар ҳар бир вазн тоифасида юқори натижага эришган ўғил-қизларга диплом ва эсдалик совғаларини топширди.

Албатта, «Адолат ҳар бир инсон учун!» шиори остидаги мазкур мусобақа ёшларни таътил вақтида спорт билан шуғулланиши ва бўш вақтини мазмунли ўтказишга хизмат қилади.

Гулчеҳра Аҳмедова
"Адолат" СДП 
Фарғона вилоят Кенгаши 
Матбуот хизмати