«Адолат» кутубхонаси» дан туҳфа

Китоб ва китобхонлик тўғрисида гап борганда,  беихтиёр Президентимиз Шавкат Мирзиёевнинг «Китобхонлик маданиятини  юксалтириш буюк  мақсадларимизга  эришишнинг муҳим кафолатидир. Китоб – беминнат устоз. Билим  ва  маънавий юксалишга эришишнинг энг асосий манбаи», деган сўзлари ёдимга тушади. Чиндан ҳам, жамиятда китобхонлик маданиятини ошириш билан ривожланишга, янги марраларга эришиш мумкин.

Юқоридагилардан келиб чиқиб, туманимизда «Сизга китоб улашамиз!» шиори остида акция ташкил этдик. Жамоатчилик орасида ўтказилаётган суҳбатларда энг фаол иштирокчилар ва мутолаага қизиқувчиларга «Адолат» кутубхонаси»дан китоблар совға қилинмоқда. Ўз ўрнида китобнинг   инсоният ва жамият маданиятининг ажралмас бир қисми эканлиги, инсоният   тараққиётининг барча даврларида   кишиларни тарбиялаш, уларнинг  ақлий ривожланиш воситаси  эканлиги фуқароларга тушунтириляпти.

Пиллакор маҳалласида яшовчилар билан ўтказилган ана шундай маънавий-маърифий суҳбат иштирокчиларни ушбу ҳудуддаги туман марказий АРМга бошлади. Мутахассислар  китоб билимлар манбаи ва тарбия воситаси эканлиги ҳақида сўз юритди. Бадиий адабиётларни ўқиб бориш сўз бойлигимизни ошириши таъкидланди. Тадбир якунида АРМга партия логотипи туширилган китоблар совға сифатида топширилди.

Ўткирбек ЗОКИРОВ,

«Адолат» СДП

Бўстон туман Кенгаши раиси