“Адолат”нинг депутати бўлиш ниятидаман

Партия сафига илк бора қабул қилинганимда ташкилот мақсад ва вазифалари билан танишиб чиқдим ҳамда ўз олдимга мақсад қўйдим.

Партия Сайловолди Дастурида илгари сурилган ёшлар сиёсатини қўллаб қувватлаган ҳолда партия сафига шижоатли ёшларни жалб қиламан ва уларнинг сонини ошираман. Лойиҳа ва тарғибот тадбирларининг энг фаол иштирокчиси бўламан. Келгусида партиядан номзодим кўрсатилиб, депутат этиб сайланиш ниятидаман.

Ҳозирда туманимиздаги “Надимий” тўгарагида ижод қилиб келмоқдаман.

ОНАМ ҚУВАМ

Жоним берай сени зарра тупроғингга,

Айланайин энг муносиб ўғлонинга

Ёвлар қадам қўёлмайди гулбоғингга,

Онам Қувам, омон бўлгин она юртим.

Акаларим хизматдадир остонангда,

Кабутарлар эркин учар осмонингда.

Анор, анжир таъми бордир забонимда,

Онам Қувам, омон бўлгин она юртим.

Шоирманку тарифингни ёзолмайман,

Рассом бўлиб гўзал ҳуснинг чизолмайман.

Қайга борсам, сендан кўнгил узолмайман,

Онам Қувам, омон бўлгин она юртим.

Боғларингда булбул каби сайрай ўзим,

Фарзанд бўлиб ардоғингда яйрай ўзим.

Ёмон кўздан кўзмунчоқдай асрай ўзим,

Онам Қувам, омон бўлгин она юртим.

Озодбек ҚОСИМОВ,

Ўзбекистон "Адолат"СДП Қува туман

Кенгаши  "Ёш адолатчилар" қаноти аъзоси