“Адолат”нинг саховат карвонида депутатлар ҳам фаол

"Сардоба сари саховат карвони” хайрия акциясида партиянинг Тошкент шаҳар Кенгаши фаоллари ҳамда депутатлари ҳам иштирок этиб,  баҳоли қудрат ўз ҳиссаларини қўшишга ҳаракат қилишмоқда. Жумладан, бугун йўлга чиққан автокарвонга Чилонзор, Шайхонтоҳур, Сергели туманларидан сайланган депутатлари, шунингдек, шаҳар Кенгаши ходимлари томонидан бирламчи озиқ-овқат маҳсулотлари, рўзғор буюмлари етказиб берилди.

Қалбида эзулик мужассам халқимизнинг бошга мусибат тушганда ҳам бир-бирларини доимо қўллаб-қувватлашдек бетакрор фазилатлари туфайли ҳар биримиз бу кунлардан омон-эсон ўтишимизга шак-шубҳа йўқ.

Меҳринисо БОБОНАЗАРОВА,

Ўзбекистон «Адолат» СДП

Тошкент шаҳар Кенгаши

матбуот котиби