«Адолат» СДП чуқур ҳамдардлик билдиради

«Ўзбекистонда хизмат кўрсатган врач», Ўзбекистон Республикаси Фанлар академияси академиги, тиббиёт фанлари доктори, профессор, партиямизнинг ташаббускори, жонкуяр фаолимиз Турғунпўлат Обидович Даминов 2022 йил 6 февраль куни 81 ёшида вафот этдилар.

Турғунпўлат Даминов ўзининг ибратли ҳаёти давомида нафақат юртимиз тиббиёти равнақига балки, партиямизнинг давлат ва жамият ривожига дахлдор қатор ташаббусларида бош бўлиб, фаол иштирок этганлар.

«Адолат» СДП раҳбарияти ва жамоаси марҳумнинг яқинлари ва оила аъзоларига чуқур ҳамдардлигини билдиради. Таниқли фан арбоби, машҳур олим, моҳир педагог, барчамизнинг азиз устозимиз Турғунпўлат Обидович Даминовнинг ёрқин хотираси қалбимизда мангу сақланиб қолади.

«Адолат» СДП Матбуот хизмати