“Адолат” СДП ҳар бир гўшага кириб бормоқда

Бугунги кунда Ўзбекистон «Адолат» СДП Қорақалпоғистон Республикаси Кенгаши вакиллари ҳар бир гўшага кириб бориб, аҳолининг бўш вақтини мазмунли ташкил этишга қаратилган қатор тадбирларни ўтказмоқда. Нукус шаҳрида ҳам анъанага кўра партиянинг сайловолди тарғибот тадбири ўтказилди. Партиянинг ҳудудий Кенгаши ходимлари, маҳаллий Кенгаш депутатлари, фаоллар ва барча кўнгиллилар иштирок этган тадбир ҳақиқий байрамга айланиб кетди.

Тадбир аввалида Шимолий-ғарбий ҳарбий округининг харбий оркестор жамоаси томонидан чалинган мусиқий наволар барчага кўтаринкилик бағишлади.

Эстрада хонандаларининг чиқишлари иштирокчиларга бирдек манзур бўлди. Санъаткорлар ижросидаги шўх куй ва қўшиқлар йиғилганларни рақсга чорлади. Халқимиз тили билан айтганда шу куни ғуборлар ёзилди.

Жонли мулоқот асосида партиямиз сайловолди дастури тўғрисида тушунчалар берилди. Шунингдек, коррупцияга барҳам бериш, суд-ҳуқуқ тизимидаги ислоҳотларни янада чуқурлаштириш ва аҳолига кўрсатилаётган тиббий хизматнинг бепул бўлишига эришишда партия олдида турган вазифаларга урғу берилди.

Акция доирасида ташкил қилинган интерактив ўйинлар, совринли викториналарда иштирокчиларнинг барчаси фаол қатнашдилар. Ўз билими ва чаққонлигини кўрсата олганлар партиянинг эсдалик совғалари билан тақдирланишди.

Айшолпан ОРАЗЫМБЕТОВА,

Ўзбекистон «Адолат» СДП

Қорақалпоғистон Республикаси Кенгаши

матбуот котиби