“Адолат” СДП қийналган оилаларни қўллаб-қувватлаш бўйича ҳукуматга таклиф билан чиқди

Коронавирус пандемияси тақозосидан эълон қилинган карантин шароитида аҳолининг маълум бир қатламининг молиявий аҳволи салбий томонга ўзгаргани сир эмас. Шуни инобатга олиб, Олий Мажлис Қонунчилик палатасидаги “Адолат” СДП фракцияси аъзоси Мақсуд Қурбонбоев айни пайтда танг аҳволда қолган уч тоифадаги (ижарада яшаётган, кундалик даромадга қараб қолган оилалар ва хориждаги мигрантларимиз оиласи,) кишиларни санаб ўтиб, бу каби оилаларга фоизсиз ссудалар, микроқарзлар ажратилиши лозимлиги тўғрисида таклиф билан чиққан эди.

Депутатнинг муносабат ва мулоҳазалари ижтимоий тармоқлар орқали қизғин муҳокамадан ўтказилди. Кўп сонли интернет тармоғи фойдаланувчилари депутатнинг мазкур таклифи ўринли эканлигини эътироф этиб, фракция аъзоси нуқтаи назарини қўллаб-қувватладилар.

Депутат ва партия фракциясининг бошқа аъзолари томонидан маъқулланган ушбу таклиф жорий йилнинг 13 апрель куни Бош вазирга жўнатилди. Мақолада тилга олинган аҳоли қатламларига моддий кўмак бериш масаласи энди ҳукумат доирасида кўриб чиқилади.

“Адолат” СДП

Матбуот хизмати