"Адолат" СДП сайловда иштирок этиш тўғрисида ариза тақдим этди

Жорий йилнинг 10 август куни Марказий сайлов комиссиясига Ўзбекистон “Адолат” социал-демократик партиясининг ваколатли вакили партиянинг сайловда иштирок этиши учун ариза тақдим этди.

Сайлов кодексида Ўзбекистон Республикаси Президенти сайловида иштирок этиш учун сиёсий партия сайловга камида етмиш кун қолганида Марказий сайлов комиссиясига ариза ва номзод ҳақида маълумот тақдим этиши белгиланган.