Адолатли қайноналар сафи кенгаймоқда

Элликкалъа, Беруний, Қўнғирот тумани Кенгашлари томонидан «Адолатли қайнона» кўрик танловининг туман босқичилари бўлиб ўтди. Мазкур танловни ташкил этишда партия туман Кенгаши, туман Маҳалла ва оилани қўллаб-кувватлаш бўлими, Нуронийлар жамоатчилик Кенгашилари билан яқиндан хамкорлик амалга оширилди.

Танловни ўтказишда туман миқёсида намунали, маҳалласида обрў- эътиборга эга, ҳаётий тажрибага бой бўлган, ўз оилаларида миллий қадриятларни шакллантира олган ва бошқа оилаларга намуна кўзгуси бўла оладиган “Адолатли қайнона”лар иштирок этишди.

Итирокчилар кўрик-танлов давомида оила мустаҳкамлиги, қайноналарнинг келин ва куёвларига бўлган муносабати, урф-одат ва миллий анъаналари доирасида 3 та шарт бўйича беллашдилар.

Танлов натижаларига кўра Қўнғирот туманидан «Туркистан» МФЙдан Абдиева Тохтахан, Элликқалъа туманидан «Элликқалъа» ОФЙдан Бекчанова Холниса, Беруний туманидан «Навоий» ОФЙдан Шерипбаев Айсулыўлар 1-ўринни эгаллаб Қорақалпоғистон Республикаси босқичига йўлланмани қўлга киритдилар.

Кўрик-танлов якунида мазкур танловни ўтказишда якиндан ёрдам берган ва иштирок этган барча қатнашчиларга ташаккур билдирилиб, партия ва ҳамкор ташкилотлар томонидан тайёрланган қимматбаҳо совғалар топширилди.

Бахадыр ЖУЗБАЕВ,

Ўзбекистон “Адолат” СДП

Қорақалпоғистон Республикаси Кенгаши Матбуот котиби