Адолатли қайнона бўлинг, мукофотланасиз!

Аввалроқ хабар берганимиздек, "Адолатли қайнона" кўрик-танловининг Қорақалпоғистон Республикаси босқичи барча шартларида пухта тайёргарлик билан юқори натижа кўрсатган Таҳтакўпир тумани иштирокчиси Ж.Мухамматдинова 1-ўринни эгаллаб Ўзбекистон Республикаси босқичига йулламани қўлга киритган эди.

Қорақалпоғистон Республикаси босқичи ғолиби Тахтакўпир тумани иштирокчиси Ж.Махамадиновани эришган ютуғи билан тақдирлаш учун партия Қорақалпоғистон Республикаси Кенгаш раиси Н.Қаипбергенов Тахтакўпир туманига ташриф буюрди. Тақдирлаш маросими карантин қоидаларига риоя этилган ҳолда Тахтакўпир тумани Маданият марказида ўтказилилиб, тадбирда Маҳалла ва оилани қўллаб-қувватлаш вазирлиги ходимлари ва оммавий ахборот воситалари иштирок этишди.

Тадбирни очиб бериш учун Тахтакўпир тумани Маҳалла ва оилани қўллаб-қувватлаш бўлими раҳбари ўринбосари Е.Бегманов сўзга чиқиб партия билан ҳамкорликда ўтказилган мазкур тадбир оила тинчлиги ва тотувлигини сақлаб қолишда адолатли қайноналарнинг алоҳида ўрни юзасидан ўз фикирларини билдирди. Сўнгра тадбир давомида худудий Кенгаш раиси Н.Қаипбергенов кўрик-танлов ғолиби Ж.Махамадиновани эришган ютуғи билан муборакбод этиб, Ўзбекистон Республикаси босқичида бўладиган иштирокида юксак зафарлар тилаб, I даражали диплом ва эсдалик совғалари билан муносиб тақдирлади. Партия Қорақалпоғистон Республикаси Кенгаш раиси Н.Қаипбергенов ўз нутқида ушбу танловда иштирок этган барча туманлар орасидан юртимизнинг энг чекка туманларидан бири бўлган Тахтакўпир туманининг муносиб иштирокини алоҳида таъкидлаб иштирокчиларни баҳолашда адолатли қарор бўлганлигини эътироф этди.

Тадбир якунида Маҳалла ва оилани қўллаб-қувватлаш бўлими хотин-қизлар масалалари бўйича ўринбосари А.Аллаярова ва кўрик-танлов ғолиби Ж.Мухамматдиновалар сўзга чиқиб, танловни ўтказишда ва танловда иштирок этишда яқиндан ёрдам берган партия туман Кенгаши ва барча хамкор ташкилотчиларга ўз миннатдорчилигини билдириб, Республика босқичида ҳам муносиб иштирок этишини таъкидладилар. Биз ҳам ишторокчимизга келгуси танловларда юксак зафарлар тилаб, доимо ғолиблар қаторида бўлишига тилакдошмиз.

Арал ҚУРБАНБЕКОВ,

Ўзбекистон «Адолат» СДП

Тахтакўпир тумани Кенгаши раиси