Амир Темур – буюк сиймо

“Адолат” СДП Когон туман Кенгаши ташаббуси билан, улуғ саркарда аждодимиз Амир Темур таваллудининг 686 йиллиги муносабати билан тумандаги “Тараққиёт” МФЙ фаоллар залида “Амир Темур – буюк сиймо” мавзусида маънавий-маърифий тадбир бўлиб ўтди.

Тадбирда депутатлар, партиянинг “Аёллар қаноти” ва “Ёшлар қаноти” аъзолари партия фаоллари иштирок этдилар.

Тадбир давомида партиянинг “Ёшлар қаноти” аъзолари иштирокида буюк шахснинг таваллудига бағишлаб, “Заковат” интеллектуал ўйини ҳам ўтказилди.

Тадбир юқори савияда ташкил этилиб, унда вилоят “Садриддин Айний” номидаги давлат театри режиссёри, Ўзбекистонда хизмат кўрсатган артист, Халқ депутатлари Когон шаҳар Кенгаши депутати Н.Мўминова бошчилигида тайёрланган Амир Темур ҳаёти ва фаолиятини мадҳ этувчи ажойиб саҳна кўриниши намойиш этилди.

Ушбу маънавий-маърифий тадбир йиғилганларнинг дунёқарашини юксалтиришда муносиб ҳисса қўшди. Тадбирнинг асосий мақсади ҳам авлодларнинг маънавий олами ва онг-тафаккурини юксалтиришга қаратилганлиги билан аҳамиятлидир.

Мактуба ҲАМРОЕВА,

“Адолат” СДП Когон туман Кенгаши раиси