Амир Темур сиймоси ёд этилмоқда

Бугун юртимизнинг ҳар бир гўшасида моҳир саркарда, буюк ҳукмдор, улкан бунёдкор, илм ва фан раҳнамоси Амир Темур сиймоси ёд этилмоқда.

Пойтахтимизнинг cўлим гўшаларидан бири бўлган Амир Темур хиёбони ҳам эрта тонгданоқ давлат ва жамоат ташкилотлари раҳбарлари, кенг жамоатчилик, олим ва тадқиқотчилар, нуронийлар ва ёшлар билан гавжум бўлди. Хар йилги анъанага мувофиқ «Адолат» социал-демократик партияси Марказий аппарати жамоаси ҳам тадбирда фаол иштирок этиб, Адолат – куч-қудрат тимсоли Соҳибқирон Амир Темур ҳайкали пойига юксак эҳтиром рамзи сифатида гулчамбарлар қўйишди.