Андижонда оилавий болалар уйи очилди

Саховатпеша ва меҳридарё халқимиз хайрли ишларга доим бош.  Андижон шаҳрининг “Қаландархона” маҳалла фуқаролар йиғини, Бухоро кўчаси 15-уйда яшовчи Фарҳодбек ва Дилдорахон Умаровлар бу йўлда хайрли ишга қўл урди. Уларнинг яшаш хонадонида  1-сонли оилавий болалар уйи ташкил этилди.

Бахтли оиладаги  уч қиз қаторига яқинда бир ўғил, бир қиз қўшилганди. Фарзандлар энди 10 нафарга етди. Ота-оналари  уларни тенг кўриш баробарида, меҳр кўрсатмоқда.

Қосимжон Қаюмов, “Адолат” СДП Андижон вилоят кенгаши раиси ўринбосари:

-Очиғи, хайрли ташаббусдан қувондим. Болажон халқимиз учун бу бир қарашда одатийдек кўринсада эзгуликнинг, савобнинг олий нуқтаси, деб биламан. Болаларнинг бегонаси бўлмайди, дея бежиз айтилмайди.

                  “Адолат” СДП Андижон вилоят

 кенгаши матбуот хизмати