Байрамда “Ёш адолатчилар” хашар уюштирди

Ўзбекистон “Адолат” СДП ташкил топганининг 25 йиллиги муносабати билан Жадақудуқ туманида “Биз тозалик тарафдоримиз!” шиори остида акция ўтказилди. Партиянинг “Тозалик йўлида бирлашайлик” лойиҳаси асосида ташкил этилган мазкур тадбир тумандаги 24-қишлоқ оилавий поликлиникаси жамоаси билан ҳамкорликда ташкил этилди.

Партиядошларимиз бошчилигида дастлаб тозалов ишлари амалга оширилди. Кўча ва гузарлар маиший чиқиндилардан тозаланди. Шифокор-сафдошларимиз хонадонларга кириб бориб, тиббий маданият мавзусида фуқароларга тушунча бердилар. Шу куни кекса ёшдаги 22 нафар фуқаро тиббий кўрикдан ўтказилди.

“Ёш адолатчилар”нинг ёлғиз яшовчилар хонадонида хашар уюштириши жамоатчилик томонидан қўллаб-қувватланди. Навбат мевали ва манзарали кўчатлар экишга.

Ўзбекистон “Адолат” СДП Андижон

вилоят кенгаши матбуот хизмати