Биз сизга ишонамиз, истиқлол ёшлари

Бугун ҳар соҳада фаол ва ташаббускор йигит-қизларга ҳавас билан қараймиз. Улар Ўзбекистоннинг келажаги, эртанги кунимиз эгалари. Бугунги ёшларнинг бахти ҳур ва озод юртда туғилгани.

«Адолат» СДП Андижон вилояти Кенгаши ташаббуси билан Андижон давлат тиббиёт институтида «Истиқлол ва ёшлар» мавзусида ташкил этилган тадбирда юқоридагилар ўз ифодасини топди. Дастлаб мустақиллик ва ҳаётимиздаги ўзгаришлар, истиқлол берган имкониятлар ҳақида сўз борди. Эртамиз эгалари бўлган ёшларга бўлган эътибор, Ёшлар сиёсати доирасида уларга кўрсатилаётган ғамхўрликлар эътироф этилди. Амалдаги йилнинг ўзида андижонлик «Ёш адолатчилар»дан бир нафари Зулфия номидаги Давлат мукофоти ва бир нафари «Мард ўғлон» Давлат мукофоти билан тақдирлангани, қатор танловларда ўттиздан ортиқ сафдошларимиз ғолибликни эгаллагани иқтидорли ёшларнинг давлатимизга муносиб жавоби демакдир.

Тадбир ёшлар ижросидаги тинчлик ва мустақилликни тараннум этувчи куй-қўшиқларга уланди. Энг фаол иштирокчилар вилоят партия кенгаши томонидан эсдалик совғалари билан тақдирланди.

Малохатхон Мусаева,

«Адолат» СДП Андижон вилоят Кенгаши

раиси ўринбосари.