Боғотда ёшларни сиёсий билимларини оширишга қаратилган акция ташкил этилди

Партиянинг Боғот туман Кенгаши ташаббуси билан тумандаги «Навбаҳор» маҳалла фуқаролар йиғини биносида «Ёш депутат» акцияси ўтказилди.

Акцияда Халқ депутатлари туман Кенгашига «9-Қораянтоқ» сайлов округидан сайланган депутат М. Худайберганова, «Навбаҳор» маҳалласи ёшлар етакчиси Н. Матяқубов ҳамда партиянинг туман Кенгаши фаоллари, маҳалла ёшлари иштирок этишди. Депутат Майсара Худайберганова ёшларга партияга неча ёшдан аъзо бўлиш, неча ёшдан депутатликка номзодлар қўйилиши, уларнинг ҳуқуқ ва мажбуриятлари, сайлов ўтказиш вақти, жараёнлари, тарқатма материаллар ва бошқалар ҳақида маълумот бериб ўтди.

Акцияда ёшлар ўзларини қизиқтирган саволларга жавоб олдилар.Учрашув ёшларнинг фаоллигида қизиқарли кечди.

Фаол ёшлар партиянинг эсдалик совғалари билан тақдирландилар.

Саодат МАШАРИПОВА,

«Адолат» СДП Боғот туман «Аёллар қаноти» раиси