Бола табассуми - олам безаги

Кўзимиз қувончи, эртамиз эгаси бўлган болажонларни асраб-авайлаш, комил инсон этиб тарбиялаш ҳар бир ота-она ва оиланинг бурчи ҳамда ҳар бир давлат тараққиётини белгиловчи муҳим омил саналади.

Халқаро болаларни ҳимоя қилиш куни олдидан «Адолат» СДП Тўрақўрғон ва Мингбулоқ туман кенгашлари ҳамда «Қизил Ярим Ой» жамияти Мингбулоқ туман бўлими вакиллари Тўрақўрғон туманидаги 48-сонли мактаб-интернатида бўлиб, бу ерда таълим-тарбия олаётган ўқувчиларга совғалар улашиб, кўнгилларини кўтаришди. Байрамолди тадбирида мактаб-интернатнинг бошланғич синф ўқувчилари шеър ва қўшиқлар ижро этиб, ўз иқтидорларини намоён этдилар.

Тадбир сўнгида мактаб-интернат директори А.Абдураҳимовга вилоят кенгашининг «Ташаккурнома»си топширилади.

"Адолат" СДП
Наманган вилоят Кенгаши
Матбуот хизмати.