Болалар ўйнаб яйрашди

Халқаро болаларни ҳимоя қилиш  куни  1925 йил Женевада болалар фаровонлигига бағишланган Бутунжаҳон  Конференциясида таъсис этилган бўлса, орадан 25 йил ўтиб, 1950 йилдан байрам сифатида нишонлаб келинади.

Болалар ҳаётимиз давомчилари, келажагимиз эгаларидир. Бинобарин, уларни асраб-авайлаш, ҳар томонлама баркамол қилиб вояга етказиш ҳар бир давлат, ҳар бир оила, ҳар бир ота-онанинг муқаддас бурчидир. 

Ўзбекистонда ҳам фарзандларимиз ана шундай меҳр-муҳаббат, улкан ғамхўрликлар оғушида вояга етмоқда. Бугун биргина Қашқадарё вилоятида ҳам бир миллиондан ортиқроқ ўғил-қизларимиз вояга етаяпти.

Мустақилликка эришганимиздан сўнг ҳар томонлама соғлом ва баркамол авлодни вояга етказиш, аввало, оила, оналик ҳамда болаликни муҳофаза қилиш давлатимизнинг устувор вазифаси сифатида белгилаб олиниб, бу ижтимоий сиёсат даражасига кўтарилиб келмоқда. Инсон фарзанди учун яшайди, дилбандларига умрини бахшида этади.

Бутун дунё бўйлаб, ҳар йилнинг 1 июнь куни “Халқаро болаларни ҳимоя қилиш куни” сифатида нишонланади.

Хусусан, бугун Қашқадарё  вилоятида ҳам барча истироҳат боғлари болажонлар учун хизмат қилмоқда.  Байрам муносабати билан болалар учун  ўрмон ҳайвонлари иштирокида болалар  спорт мусобақалари, китоб ярмаркалари ўтказилди. Жажжи қизалоқлар иштирокида рақсларга бой тарзда ўтган байрам кечаси болажонларга бир олам қувонч улашди.

-Қарши шаҳридаги барча истироҳат боғларига  байрамга келган  ўғил-қизларимиз   партиянинг  эсдалик совғалари билан тақдирландилар,-деди халқ депутатлари Қарши шаҳар Кенгаши депутати Чамангул Муҳаммадиева.-Биз депутатлар ва “Адолат” СДП фаоллари истироҳат боғларида бўлиб, барча хизматлар болаларга бепул йўлга қўйилишини ташкил этганимиз жажжилар ва уларнинг ота-оналарини хушнуд этди.

Хулоса қилиб айтганда,  кенг жамоатчилик диққатини жажжи ўғил-қизларимиз  юзида табассумни кўриш, уларнинг бахти-иқболи,  ҳуқуқларини ҳимоя қилишга, бахтли болаликка эга бўлишларига ва ўз мамлакатининг тўла-тўкис ва хотиржам фуқароси бўлиб ўсишларига қаратишдир.

Ўзбекистон “Адолат” СДП Қашқадарё вилоят

                                               Кенгаши матбуот хизмати