Болажонлар учун экскурсия ташкил этилди

1 июнь – Халқаро болаларни ҳимоя қилиш куни муносабати билан партиянинг «Бор меҳримиз сенга, болажон!» лойиҳаси доирасида боқувчисини йўқотган 30 нафар эҳтиёжманд оилаларнинг болажонларига яқинлари ҳамроҳлигида Фарғона шаҳрида жойлашган «Ҳайвонот олами» боғи ва Фарғона Давлат университетининг «Қатағон қурбонлари хотираси» музейига экскурсия ташкил этилди.

Партиянинг Қува туман Кенгаши раиси Ш.Мамажонова эса Халқ депутатлари туман Кенгаши депутати М.Раҳимов билан биргаликда Фарғона «Мурувват» ногиронлиги бўлган болалар учун интернат уйида бўлди. Болажонларга совғалар улашилди.

Шунингдек, байрам муносабати билан Халқ депутатлари Сўх туман Кенгаши депутати А.Сафаров кам таъминланган оилаларнинг болажонларига эсдалик совғаларини топширди.

«Адолат» СДП Фарғона вилоят Кенгаши

Матбуот хизмати