Болажонларга байрам шукуҳи улашилди

Халқ депутатлари Фарғона туман Кенгаши депутати Отабек Холиқов томонидан Янги йил байрами муносабати билан вилоят кўп тармоқли болалар шифохонасининг ортопедия бўлимида даволанаётган 20 нафар болажонларга совға улашилди. Шунингдек, депутат бўлимга безатилган байрам арчаси ўрнатиб, барчага янги йил шукуҳини улашди.

Туман Кенгаши депутати Озода Дадажонова, «Адолат» СДП туман Кенгаши раиси Нодиржон Каримовлар ҳам байрам либосларида болажонларга совға тарқатди. Мазкур шифохонада даволанаётган мурғак қалб эгалари бундан жуда хурсанд бўлишди.

– Байрам муносабати билан қанчалик шодлансак, эртамиз эгалари қувончи шунчалик чексиз бўлади, – дейди О.Холиқов. – Улар совға олишни, арчалар атрофида айланишни жуда яхши кўрадилар. Хурсандчилик улашишдан ўзимиз ҳам жуда завқландик.

«Адолат» СДП Фарғона вилоят Кенгаши матбуот хизмати.