Янгиликлар 1703
Депутат Хонқадаги муаммоларни ўрганмоқда
Олий Мажлис Қонунчилик палатаси депутати Мақсуд Қурбонбоевнинг Хонқа туманида сайловчилар билан учрашувлари ташкил этилмоқда.
Яккама-якка мулоқотлар давомида депутат сайловчилари томонидан билдирилган мурожаатларни ўрганиб, муаммоларни бартараф этиш чораларини кўрмоқда.
Хусусан, Хонқа туман “Олчин” маҳалласида жойлашган 30-умум ўрта таълим мактаби директори Хосият Исмоилова билан суҳбатлашганда, мактабда ўқувчилар сонининг ошиб бораётгани сабаб бир қатор муаммоларга дуч келинаётгани ва мактаб 200 ўринли бинога мухтожлиги борлиги тўғрисида баён этди. Депутат мазкур масала юзасидан тегишли ташкилот раҳбарлари билан маслаҳатлашиб олишни билдирди.
Шунингдек, мактабнинг олд қисми таъмирталаб холатга келиб қолгани ҳамда мактабга кираверишда замонавийлаштирилган кириш йўлагини қуриб беришда амалий ёрдам сўраб мурожаат этди.
Депутат муаммо ва таклифларни атрофлича ўрганиб чиқди ва жойнинг ўзида туман Молия бўлими билан келишиб, жорий йилнинг 1 июнига қадар амалга ошириладиган бўлди.
“Олчин” маҳалласида жойлашган “Ал-Хоразмий” қишлоқ врачлик пункти филиалида тўрт нафар ҳамширамаҳалла фуқароларига тиббий ҳизмат кўрсатиб келмоқда. Аҳоли томонидан мазкур ҚВП филиалига мудир тайинлаш масаласини илгари суришди.
Депутат бу масалага ҳам эътибор қаратиб, жойнинг ўзида вилоят Соғлиқни сақлаш бошқармасига оғзаки мурожаат этди. Мурожаат қўллаб-қувватланди ва ҚВПга мудир таъйинланадиган бўлди.
“Олчин” маҳалла фуқаролар йиғинида иш ўрганилганида МФЙнинг ўз биноси мавжуд эмаслиги боис 30- сон умум ўрта таълим мактаби биносида иш фаолиятини олиб бораётгани тўғрисидаги эътирозлар ўртага ташланди.
М.Қурбонбоев туман ҳокими билан бино учун ер ажратилиши ҳусусида учрашиб, аниқ қарорга келишини билдирди.
Депутатнинг айни пайтдаги ҳизмат сафари Янгиариқ туманидаги сайловчилари билан давом этмоқда.
Замира АБДУЛЛАЕВА,
Ўзбекистон “Адолат” СДП
Хоразм вилоят Кенгаши матбуот котиби
Фикрингизни қолдиринг