Депутат саховати ўксик дилларга қувонч бағишлади

Халқ депутатлари Бухоро шаҳар Кенгашига “Адолат” СДПдан сайланган депутат Абдурауф Аҳмедов томонидан муборак айём Қурбон ҳайити муносабати билан Ўзбекистон Республикаси кўзи ожизлар жамияти Бухоро вилоят бўлими аъзоларига файзли дастурхон ёзилиб,  байрам дастури ташкил этилди.

Аввало депутат А.Аҳмедов жамият аъзоларини қутлуғ айём билан табриклаб, самимий тилакларини билдирди. Уларга сиҳат-саломатлик, оилавий хотиржамлик тилади.

Шундан сўнг кўзи ожизлар жамияти аъзолари турфа хил ноз-неъматлар билан безатилган байрамона дастурхон атрофида жам бўлдилар. Кўтаринки руҳда ўтган айём жамият аъзоларида ўзгача таассурот қолдирди.

“Адолат” СДП Бухоро вилоят Кенгаши

Матбуот хизмати