Депутат таклифи маъқулланди

“Тараққиёт стратегияси” марказида 2022–2026 йилларга мўлжалланган Янги Ўзбекистоннинг Тараққиёт стратегияси лойиҳасида фаол иштирок этган бир гуруҳ фуқароларни тақдирлашга бағишланган тадбир ташкил этилди.

“Тараққиёт стратегияси” марказида ташкил этилган тадбирда Тошкент шаҳридан туриб таклиф билдирган маҳаллий Кенгашлар депутатлари, давлат ва нодавлат ташкилотлари ходимлари, оммавий ахборот воситалари вакиллари ҳамда бир гуруҳ фаол фуқаролар иштирок этди.

Ушбу фаол иштирок этганлар ичида Халқ депутатлари Тошкент шаҳар Кенгаши раиси ўринбосари Матибаев Ташпўлат Болтабоевичнинг тақдирлангани партиямиз учун алоҳида аҳамиятга эга.

Ушбу муносабат билан депутат Т.Б.Матибоевни “Адолат” СДП Тошкент шаҳар Кенгаши жамоаси  табриклайди, келгуси фаолиятида ҳам улкан ютуқлар ҳамроҳ бўлишини тилайди.

“Адолат” СДП Тошкент шаҳар Кенгаши

Матбуот хизмати