Депутат томонидан ёшлар ўртасида мусобақа ўтказилди

Халқ депутатлари Олтиариқ туман Кенгаши депутати Комила Кадиралиева ташаббуси билан юртбошимиз томонидан олға сурилган бешта муҳим ташаббус лойиҳаларини амалга ошириш, маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар ўртасида оммалаштириш мақсадида тумандаги “Янги ҳаёт”, “Гулистон”, “Тинчлик”, “Х.Олимжон”, “Ўзбекистон”, “Навоий”, “Обод” маҳалла фуқаролар йиғинларининг уюшмаган ёшлари ўртасида спортнинг мини футбол тури бўйича мусобақа ўтказилди.

Мусобақада иштирок этган саккиз жамоа орасидан финал йўлланмасини “Ҳамид Олимжон” ва “Янги ҳаёт” маҳалла фуқаролар йиғини ёшлари қўлга киритди.

Мусобақанинг финал босқичида кичик ҳисоб билан “Ҳамид Олимжон” МФЙ ёшлари ғолиб бўлиб, кубок ва депутатнинг эсдалик совғалари билан тақдирланди.

 “Адолат” СДП Фарғона вилоят Кенгаши матбуот хизмати.