Депутатимизни юксак мукофот билан қутлаймиз

Мустақиллигимизнинг йигирма тўққиз йиллиги муносабати билан фан, таълим, адабиёт, маданият, санъат ва оммавий ахборот воситалари соҳалари ходимларидан бир гуруҳини мукофотлаш тўғрисидаги Ўзбекистон Республикаси Президентининг Фармонига асосан тақдирланган юртдошларимиз орасида партиямиз фаоллари, депутатлари, ёш адолатчиларининг ҳам борлиги барча соҳа вакиллари қаторида партиямиз фаоллари учун ҳам қувонарли бўлди.

Фидокорона меҳнатлари билан эл-юрт хизматига, ёшларнинг комил инсонлар сифатида шаклланишига, таълим соҳасини ислоҳ қилишга умрини баҳшида этган ҳамда Ўзбекистон “Адолат” социал-демократик партиясининг мақсад ва вазифаларини ҳаётга татбиқ этишда, партиянинг обрў-эътиборини кенг омма орасида оширишга муносиб ҳисса қўшиб келаётган, халқимизнинг  ҳурмат-эътиборидан муносиб ўрин олган Хоразм вилояти Янгиариқ туманидаги   11-ихтисослаштирилган умумий ўрта таълим мактаб-интернати директори, вилоят Кенгаши депутати, партиямизнинг жонкуяри  Шержон Матяқубов “Меҳнат шуҳрат” ордени билан тақдирлангани барча партиядошларимизни руҳлантириб юборди.

Депутатимизни ушбу юксак мукофот билан Ўзбекистон “Адолат” СДП Хоразм вилоят Кенгаши номидан табриклаймиз. Келгуси ҳаёти ва фаолиятида улкан зафарлар тилаймиз.

                                                                                                         Замира АБДУЛЛАЕВА,

                                                                                                   Ўзбекистон “Адолат” СДП

                                                                           Хоразм вилоят Кенгаши матбуот котиби