Депутатлар ташаббуси билан Марғилондаги кўчалар асфальтланди

Маълумки, депутатлар халқ ва ҳукумат ўртасидаги уларни боғлаб турувчи кўприкдир. Депутатлар ҳам эндиликда чин маънода халқ вакиллари эканликларини амалда намоён этмоқдалар. Ташаббускор, одамлар дарду ташвиши билан юрадиган фидойи депутатлар саъй-ҳаракати билан кўплаб муаммолар ҳал этилмоқда. Ҳусусан, Марғилон шаҳар Кенгаши депутати Оламгир Нишонов ҳамда шаҳар ободонлаштириш бўлими ташаббуси билан  Марғилон шаҳрининг “Ёвқочар” МФЙнинг Мамлакат, Водий ва Сойбўйи кўчалари асфальтлаштирилди.

– Сайловчиларнинг ишончини оқлашга ҳаракат қиляпман, – дейди депутат О.Нишонов. – Уларга қулайлик яратиш мақсадида ташкилотлар билан ҳамкорликда  ишларни ташкил этяпмиз. Бу ўзимизга ҳам фойда.  Кўчалар текис равон бўлса, ҳаракатланиш ҳам осон, қиш кунлари муаммо бўлмайди.  Маҳаллаларимиз  ҳам ободлашади.

Шунингдек, Халқ депутатлари Фурқат туман Кенгаши депутати Аҳроржон Шерматовнинг ташаббуси билан “Чилгижийда” МФЙ ҳудидида жойлашган Юксалиш кўчасини асфальтлаштириш ишлари олиб борилмокда.

 Ўзбекиситон “Адолат” СДП Фарғона вилоят Кенгаши матбуот хизмати