Депутатнинг аёллар билан очиқ мулоқоти ташкил этилди

“Адолат” СДП томонидан  ўтказилиб келинаётган барча тадбир ва учрашувлар партиямизнинг  мақсад вазифаларини ҳаётга татбиқ қилишда дастуриламал бўлмоқда.  2021 йил 28 октябрдаги топшириқлар режасига асосан Қўшкўпир тумани “Адолат” СДП фаоллари ва депутатлари ҳам  барча режадаги тадбирлар, учрашувлар, очиқ мулоқотларни ўтказиб келмоқдалар.

 “Ёшлар ва хотин-қизлар билан очиқ мулоқот куни” доирасида партиянинг фаол депутати, партиянинг Қўшкўпир туман “Аёллар қаноти” раиси  Манзура Артиқова  ўз ҳудудидаги аёллар билан очиқ мулоқот ўтказди. Мулоқот давомида депутат мамлакатимизда хотин-қизлар ва аёлларга яратилаётган шарт-шароитлар, кенг имкониятлар кўлами, уларни қўллаб-қувватловчи ташаббуслар тўғрисида гапириб ўтди. Шунингдек, бугунги кенг ислоҳотлар негизида аёлларга бўлган эътибор борлигини алоҳида таъкидлади, партиямизнинг ташаббускор ғоялари ҳақида ҳам ўзининг фикр-мулоҳазаларини билдирди.

-Депутатимиз бугунги ислоҳотлардан, яратилаётган шарт-шароитлардан унумли фойдаланиш ҳақида жуда ўринли маслаҳатлар бердилар,-дейди маҳалла аёлларидан Муҳайё Жуманиёзова. – Кредит олиб тадбиркорлик қилиш истаги бор аёлларимизни доим қўллаб-қувватлайдилар. Ўзим ҳам кам фоизли кредит маблағлари эвазига ўз тадбиркорлигимни бошладим, ҳозир оилавий даромадим ортиб рўзғоримга барака кирмоқда. Бунинг учун депутатимиздан миннатдорман. Мен каби аёллар “Адолат”, “Ифтихор” маҳаллаларида кўпчиликни ташкил қилади. Бугунги учрашувда ҳам ўзимизга керакли тавсия ва маслаҳатлар олдик.

Бундан ташқари учрашув давомида аёллар томонидан билдирилган фикр-мулоҳазалар ҳам тингланди. Кўпчилик ўзларини қизиқтирган саволларга жавоб олдилар.

Туманимизда бу каби  учрашувлар давом этмоқда.

                                                                                                              Руҳия ИСМОИЛОВА,

                                                                                                                          “Адолат” СДП

                                                                                          Қўшкўпир туман Кенгаши раиси