Депутатнинг сўзлари ёшлар учун мотивация берди

Ўзбекистон “Адолат” СДП Сиёсий Кенгаши Марказий аппарати ҳамда партиянинг Тошкент шаҳар Яккасарой туман Кенгаши ташаббуси билан “Ватан келажаги ёшлар қўлида” лойиҳаси доирасида “Депутат ва ёшлар учрашуви” мавзусида давра суҳбати ўтказилди.

Тадбирда Ўзбекистон Республикаси Олий Мажлис Қонунчилик палатаси депутатлари, “Адолат” СДП Сиёсий Кенгаши аъзолари, партия Марказий аппарати ҳамда партиянинг Тошкент шаҳар Кенгаши ходимлари, Халқ депутатлари Яккасарой туман Кенгаши депутатлари, Тошкент тўқимачилик ва енгил саноат институтининг профессор-ўқитувчилари ва талабалари, “Ёш адолатчилар” қаноти Республика Кенгаши раиси ва аъзолари, фаоллар ҳамда  ОАВлар вакиллари иштирок этди.

Мафтуна ЖЎРАЕВА, Ёш адолатчилар қаноти аъзоси:

- Бўлиб ўтган тадбирда биз ёшлар фаол иштирок этдик, депутатлардан зарур сиёсий билимларни ўзлаштирдик, қизиқтирган саволларимизга жавоб олдик. Бу каби тадбирларнинг кўплаб ўтказилиб турилиши сиёсий тафаккуримиз бойишида муҳим ўрин тутади. Шу билан бирга, мамлакатимиз ва жамиятимиз ривожи учун яхши ўқиб билим олишга, интилишга, биз ёшларни шижоатли бўлишга чорлайди.

Мен ҳам келажакда депутат бўлсам мана шу инсонлар каби бўлишга, халқимиз учун беминнат хизмат қилишга бел боғлайман. Чунки, уларнинг юртга келтираётган нафи бизлар учун мотивация вазифасини ўтамоқда.

Сардор ХЎЖАҚУЛОВ, Ёш адолатчилар қаноти аъзоси:

- Тадбирнинг аҳамиятли жиҳатлари кўп бўлди. Депутатлардан фойдали маълумотларга эга бўлдик. Ўйлаймизки, ушбу маълумотлар келажакда биз учун зарур манба бўлиб хизмат қилади. Ўзимизни қизиқтирган, билмаган саволларимизга жавоб топдик. Сиёсий билимларимиз янада ўсди. Қизиқишларимиз ортди. Ўз навбатида биз ҳам жамият ривожи йўлида шундай фаол бўлишни мақсад қилдик.

Меҳринисо БОБОНАЗАРОВА,

“Адолат”СДП Тошкент шаҳар Кенгаши матбуот котиби