Энг намунали БПТда сиёсий ўқув ўтказилди

Президентимизнинг Олий Мажлисга йўллаган Мурожаатномаси ҳамда “Ёшларни қўллаб-қувватлаш ва аҳоли саломатлигини мустаҳкамлаш йили” Давлат дастурининг мазмун-моҳияти, асосий йўналишлари ва унда илгари сурилган фикрлар, иқтисодий, ижтимоий соҳаларда амалга оширилиши белгиланган асосий вазифалар бўйича тарғибот-ташвиқот ишлари «Адолат» социал-демократик партиясининг Қорақалпоғистон Республикасидаги ҳар бир бошланғич партия ташкилотларида амалга оширилмоқда.

Тарғибот тадбирининг асосий мақсади юқорида келтирилиб ўтилган мурожаатнома ҳамда давлат дастурининг мазмун-моҳиятини аҳолига етказиш, қолаверса, Мурожаатномада белгиланган вазифаларни амалга оширишда асосан нималарга эътибор қаратиш ва  ижросини таъминлаш бўйича партия фаолларига тушунчалар бериш орқали кенг оммага ҳам етказишдан иборат.

Ана шундай тарғибот тадбирларидан бири партия Қорақалпоғистон Республикаси Кенгаши ташаббуси билан Нукус шаҳридаги «Ақ отаў» МФЙ қошидаги БПТ таркибидаги 17-сонли умумтаълим мактабида ZООМ дастури орқали онлайн сиёсий ўқув бўлиб ўтди.

Унда партиянинг ҳудудий ва маҳаллий Кенгаши ходимлари, депутатлар, бошланғич партия ташкилоти аъзолари, ёшлар ҳамда оммавий ахборот воситалари ходимлари иштирок этишди.

Тадбир давомида мурожаатномадаги ва давлат дастурида илгари сурилган илғор ғоялар, ҳаётга татбиқ этилаётган лойиҳалар, айниқса таълим соҳасидаги туб ислоҳотлар, аҳолига сифатли тиббий хизмат кўрсатиш доирасида олиб бориладиган ишларда БПТнинг фаоллигини янада оширишга қаратилган қатор масалалар юзасидан вазифалар белгиланди. 

Тадбир сўнгида бошланғич партия ташкилотининг аъзолари ўзларини қизиқтирган барча саволларига тўлиқ ва батафсил жавоблар олишди ҳамда мавзу доирасидан келиб чиққан ҳолда фикрлар, мулоҳазалар, таклифлар билдирилди.

Ўзбекистон «Адолат» СДП

Қорақалпоғистон Республикаси Кенгаши Матбуот хизмати