Эр йигитнинг эр йигитга айтар сўзи

Ватан ҳимояси муқаддас. Бу ҳар бир йигитнинг керак бўлса орияти, виждони. Қўрғонимизнинг мустаҳкам бўлиши учун Ватан посбонлари ҳам маънан, ҳам жисмонан кучли бўлишлари зарур.

Ўзбекистон “Адолат” СДП Пахтаобод туман кенгаши томонидан Ватан ҳимоячилари куни олдидан ўтказилган “Эр йигитнинг эр йигитга айтар сўзи” дея номланган тадбирда бу ўз ифодасини топди. Дастлаб йигитлик   масъулияти ва жисмоний тайёргарлик борасида суҳбат ўтказилди. Миллий армиямизнинг шаклланиши ўғлонларимиз зиммасидаги масъулиятни янада оширгани таъкидланди.

Ҳарбий кийимдаги йигитларнинг кўргазмали чиқишлари ва спорт беллашувлари тадбир иштирокчилари томонидан олқишланди. Майдонда бир сўзли ўзбек ўғлонларининг қиёфаси гавдаланди.                  

                                                                  Иқболой АТАХОНОВА,

                                                   Ўзбекистон “Адолат” СДП Пахтаобод

туман кенгаши раиси