Фаолиятимизда дастуриламал бўлди

Бугун Ўзбекистон “Адолат” СДП Сиёсий Кенгаши томонидан  ҳудудий Кенгашлар матбуот котиблари учун   ZOOM дастури орқали ташкил этилган   семинар  самарадорлиги билан юқори даражада бўлиб ўтди.

Семинарда  вилоят Кенгаши раис ва раис ўринбосарлари ҳамда матбуот котиблари иштирок этишди.

Семинарни  Сиёсий Кенгаш раиси ўринбосари Умиджон Сулайманов кириш сўзи билан очиб берди ва олиб борди.

У ҳудудий кенгашлар матбуот котиблари фаолиятини танқидий таҳлил қилиб, фаолиятни  жадаллаштириш ва талаб доирасида олиб бориш учун муҳим бўлган жиҳатларни мисоллар билан тушунтириб берди.

Матбуот котиби нафақат сайлов жараёнларида балки, бутун фаолияти давомида тезкор ва холис бўлиши кераклигини уқтирди.

Семинар давомида партия Хоразм вилоят Кенгаши томонидан амалга оширилган ютуқлар  ва уларни ОАВ ҳамда Интернет тармоқларида мунтазам ёритилиб келинаётгани ҳусусида ҳам сўз юритилди. Бу эса ўз навбатида партия фаолларини янада шижоатли бўлишга  чорлади.

Бир сўз билан айтганда, матбуот котиблари фаолиятини жадаллаштиришга қаратилган онлайн семинар партиянинг дастурий устувор мақсадлари ва уларнинг  амалга оширишнинг бориши, партиянинг парламентдаги фракцияси ва халқ депутатлари маҳаллий Кенгашлардаги депутатлик  гуруҳларнинг жорий фаолиятини мунтазам хабардор этишда ҳамда мамлакатимиз тақдири учун энг муҳим аҳамиятга эга бўлган Президент сайловида ғолибликни қўлга  киритишда дастуриламал вазифасини ўтайди.

                                                                                                       Замира АБДУЛЛАЕВА,

                                                                                                     Ўзбекистон “Адолат” СДП

                                                                             Хоразм вилоят Кенгаши матбуот котиби