“Фарзандимга китоб совға қиламан” мавзусида китоблар марафони ўтказилди

Мустақил давлатимиз рамзи Конституция ушбу йилда 29 ёшга тўлди. Бош қомусимизнинг ҳар бир боби, ҳар бир моддаси ўтган давр оралиғида халқимиз юрагига сингиди.

“Адолат” СДП Тошкент шаҳар Кенгаши пойтахтнинг бир қанча туманларида партия фаоллари иштирокида Конституция тадбирларини ўтказди.

Хусусан, "Адолат" СДП Мирзо Улуғбек тумани Кенгаши депутатлари ва туман прокуратура раҳбари ташаббуси билан тумандаги “Мурувват” уйида 8-декабрь - Конституция куни байрам ўтказилди. Тадбирда байрам дастурхони безатилиб, “Мурувват уйи” беморларига кўтаринки руҳ бағишланди ва туман прокуратураси ҳамда ҳомий ташкилотларнинг совғалари топширилди.

Якунда ногиронлар учун “Яшил макон” умуммиллий лойихаси доирасида мевали ва манзарали дарахтлар экилди.

Шу йўналишдаги тадбирлар Шайхонтоҳур туманидаги 180-192- умумтаълим мактаблари, Яккасарой туманида жойлашган Тошкент Тўқимачилик ва енгил саноат институти, Бектемир туманидаги 290-сонли умумтаълим мактаби, Яшнобод туманидаги 153 умумтаълим мактаби, Учтепа туманидаги 297 сонли умумтаълим мактаби, 14-ИДУМ мактабларида бўлиб ўтди.

Тадбирларда юқори синф ўқувчилари ўртасида “Менинг ҳуқуқ ва бурчларим” мавзусида танлов ҳам ўтказилди. Танловда барча иштирокчи ўқувчилар мусобақа шартларига кўра беллашдилар. Айниқса, ҳуқуқ ва бурчлар акс эттирилган қизиқарли саволлар томошабинларда катта қизиқиш уйғотди.

Шунингдек, тадбирлар давомида «Фарзандимга китоб совға қиламан» мавзусида китоблар марафони ҳам ўтказилди. Тадбирда «Адолат» СДП фаоллари иштирок этишди ҳамда партиянинг эсдалик совғаларини топширишди.

Меҳринисо БОБОНАЗАРОВА,

“Адолат” СДП Тошкент шаҳар Кенгаши матбуот котиби