Ҳамкор  журналистлар  рағбатлантирилди

27-июнь Матбуот ва оммавий ахборот воситалари куни муносабати билан Ўзбекистон “Адолат” СДП Хоразм вилоят Кенгаши  фаоллари   вилоят телерадиокомпанияси, ТТВ телеканали, 8-ТВ телеканали ва бошқа ҳамкор ОАВ ташкилотларига ташриф буюриб,  тадбирлар  ташкил этилди.

Партия фаоллари соҳа ходимларини касб байрамлари билан самимий муборакбод этиб, бахт ва омад, ижодий камолот тилашди.

Муҳтарам Президентимиз ташаббуси билан оммавий ахборот воситалари  фаолиятини ривожлантириш, соҳа ходимларининг меҳнатини рағбатлантириш мақсадида амалга оширилаётган ислоҳотлар хусусида таъкидлашди ва партиянинг фаолиятини кенг омма орасида ёритишда қўшаётган  алоҳида хизматлари учун миннатдорлик билдиришди.

Бозорбой Уллибобоев, Хоразм телерадиокомпанияси директор ўринбосари:

- Партия томонидан олиб борилаётган ҳаётий ва халқчил фаолиятини доим қўллаб-қувватлаб Хоразм телерадиокомпаниясида ёритиб келамиз. Айниқса, партия фаолларининг шижоати, жонкуярлиги  доим жамоамизнинг эътиборини тортиб келган. Ҳамкорлигимизни янада мустаҳкам  давом  этишига  ишонамиз.

Тадбирлар давомида оммавий ахборот воситалари ходимларига партиянинг Хоразм вилоят Кенгаши томонидан ташаккурномалар ва эсдалик совғалари топширилди.

                                                                                                             Замира АБДУЛЛАЕВА,

                                                                                                      Ўзбекистон “Адолат” СДП

                                                                            Хоразм вилоят Кенгаши матбуот котиби