Ҳамшираларга ташаккурномалар топширилди

Жаҳонда ҳар йилнинг 12 май санаси «Халқаро ҳамширалар куни» сифатида кенг нишонланади. Профессионал ҳамширалар фаолиятининг асосчиси Флоренс Найтингейлнинг таваллуд куни шарафига белгиланган ушбу сана мамлакатимизда ҳам кенг тарзда байрам қилинади.

Шу муносабат билан Ўзбекистон «Адолат» СДП Наманган вилоят кенгашининг бир гуруҳ фаоллари Янги Наманган туманида жойлашган онкологик касалликлар марказининг гинекология бўлимига ташриф буюриб, бу ерда фаолият юритаётган, беморлар дардига малҳам бўлаётган бир гуруҳ ўрта тиббиёт ходимларининг заҳматли меҳнати эътироф этишди.

Наманган вилоят кенгаши раиси ўринбосари Ёрқиной Ҳожиматова ҳамда тумани кенгаши раиси Йўлдошали Собитжонов ҳамшираларни байрам билан табриклаб, уларга партия номидан ташаккурнома ва эсдалик совғаларини тоширишди.

 
«Адолат» СДП
Наманган вилоят кенгаши
Матбуот хизмати.