Хотира ва қадрлаш кунига бағишлаб ўтказилган футбол турнири ғолиблари тақдирланди

9 май – Хотира ва қадрлаш куни муносабати билан Қувасой шаҳрида “Хотира – абадий, миллат - барҳаёт” шиори остида футбол турнири бўлиб ўтди. Унда 7 та жамоа вакиллари ғолиблик учун майдонга тушди.

Ғолибларни тақдирлаш маросимида Қувасой шаҳар ҳокими Зафаржон Тўрақулов, Халқ депутатлари Қувасой шаҳар Кенгашининг "Адолат" СДП Депутатлик гуруҳи раҳбари Мўсинжон Дадажонович ҳамда мутасадди идоралар вакиллари иштирок этди.

Турнирда “Арсиф” жамоаси 3-ўринни қўлга киритган бўлса, “Цементчи” профессионал футбол клубининг 2013-йилда туғилган ёшлардан таркиб топган жамоаси 2-ўринга эга чиқди.

“Цементчи” профессионал футбол клубининг 2012-йилда туғилган ёшлардан таркиб топган жамоаси фахрли 1-ўринни олди ва мусобақа кубогини қўлга киритди. 

Ғолибларга турнир ташкилотчиларининг диплом, медал ҳамда совғалари топширилди.

Дилобар Мирзаева
“Адолат” СДП
Қувасой шаҳар Кенгаши раиси