Ҳудудларда тарғибот давом этмоқда

Мамлакатимизда жорий йилнинг 24 октябрь куни бўлиб ўтадиган Ўзбекистон Республикаси Президенти сайловида иштирок этадиган партиялар ўз тарғибот тадбирларини бошлаб юборишган.

Президентликка “Адолат” СДПдан номзод Баҳром Абдураҳимович Абдуҳалимовнинг Сирдарё вилоятидаги ишончли вакили Қудратов Иномжон Сатторқуловичнинг сайловчилар билан учрашуви Сирдарё вилояти Гулистон шаҳар “Zinnur” ишлаб чиқариш корхонасида бўлиб ўтди. Тадбирда Сирдарё вилояти Кенгаши раиси Ж.Комилов маҳалла фаоллари, тадбиркорлар, Гулистон шаҳар Кенгаши раиси, Гулистон шаҳар Кенгаши депутати, ишлаб чиқариш корхонаси ходимлари ва ёшлар иштирок этишди.

Тадбирни “Zinnur” ишлаб чиқариш корхонаси раҳбари Носир Махмудов олиб борди, Президентликка “Адолат” СДПдан номзод Баҳром Абдураҳимович Абдуҳалимовнинг таржимаи ҳоли ва сайловолди дастури акс этган видеоролик намойиш этилди.

Ишончли вакил ҳар бир сайловчи ўз овози билан Ўзбекистоннинг келажагига муносабатини билдиришини айтиб, Президент сайловида фаол иштирок этишга чақирди.

“Адолат” СДП Сирдарё вилояти

Кенгаши матбуот хизмати