Икки халқ ўртасида нотекис йўллар равонлашди

Қирғизистон Республикаси Боткен вилояти Тоёян айил бошиси Жабор Араппоев ва Сулаймон Қамчибековлар Сўх тумани  “8-Ҳазрати Али” МФЙ  раиси, Халқ депутатлари туман Кенгаши депутати Субхонали Нишонов  қабулида бўлди.  

 Суҳбат давомида  маълум  бўлдики,  МФЙ ҳамда “Тоён” чегара пункти ҳудудида жойлашга 5 километр нотекис йўллар таъмирга муҳтож, аҳолига қийинчилик туғдирмоқда.  Ўзаро ҳамжиҳатликда  мазкур муаммонинг ҳал этилиши  икки давлат фуқаролари учун ҳам зарур.

 26 октябрь куни  сектор раҳбарлари –  туман ҳокими  С.Сайидмусаев, туман прокурори С.Мирзокаримов, туман ИИБ бошлиғи Қ.Раҳимбердиевлар кўмаги  билан техникалар йуналтирилиб, “Ҳазрати Али”, “Сарибозорча” ва “Сариканда” МФЙ фаоллари иштирокида икки халқ ўртасидаги ўнқир-чўнқир  йўллар  ҳашар йўли билан текисланди.

 Ҳашарчилар учун дастурхон ёзилди.  Ҳар икки томон фаоллари бир пиёла чой устида самимий суҳбат қурдилар. Ўзаро алоқаларни янада мустаҳкамлаш, савдо-сотиқ ишларини олиб бориш юзасидан келишиб олинди.

 “Адолат” СДП Фарғона вилоят Кенгаши матбуот хизмати