Ишчан кайфият билан янги марралар сари

Муҳтарам Президентимизнинг 27-июнь - Матбуот ва оммавий ахборот воситалари куни муносабати билан соҳа ходимларини самимий муборакбод этиб, билдирган тилаклари ва ишончи барча ҳамкасбларим қатори менинг ҳам зиммамга улкан масъулият ва вазифаларни юклади.

Давлатимиз раҳбари томонидан оммавий ахборот воситаларининг жамият ҳаётидаги ўрни, таъсири ва фаолият самарадорлигини ошириш, уларнинг моддий–техник базаси, кадрлар салоҳиятини мустаҳкамлаш, соҳа ходимларининг ҳар томонлама рағбатлантириш  давлат сиёсати даражасига кўтарилгани  соҳа тизимининг тубдан ўзгариб бораётганини  кўрсатмоқда.

Бу эса ўз навбатида соҳа  ходимларига  билдирлган  ишонч намунасидир.

Партиянинг Хоразм вилоят Кенгаши матбуот котиби вазифасида узоқ йилдан буён ҳар томонлама яратилган имкониятлар, шароитлар  оғушида  ишчанлик кайфияти билан фаолиятимни олиб бормоқдаман, партиям томонидан қаратилаёган эътибор, эхтиром ва ишончдан, меҳнатларим қадр топаётганидан,  қалбим ғурурга тўлиб,  янги марралар сари олға бормоқдаман.   

Янгиланиб, ривожланиб бораётган соҳа  ходими зиммасига  янада фаоллик  масъулиятининг юкланиши табиий ҳол, албатта.

Мен ҳам ушбу  ахборот ва  сўз  олами орқали ўз касбимга бўлган   меҳрим ва иштиёқим билан партиямнинг обрў ва эътиборини халқим орасида  юксалиб ва  равнақ топиб  бориши учун бор куч  ғайратимни, истеъдод ва имкониятимни сафарбар этаман.                                                                                                

                                                                                                           Замира АБДУЛЛАЕВА,

                                                                                                        Ўзбекистон “Адолат” СДП

                                                                                Хоразм вилоят Кенгаши матбуот котиби