Ишончингизни оқлаймиз, Юртбошим!

Президентимиз Шавкат Мирзиёевнинг куни кеча Ёшлар кунига бағишланган тантанали маросимдаги маърузаси очиғи биз ёшларни чексиз қувонтирди. Юртбошимиз шунчалар катта ишонч билдирдики, бу зиммамизга катта масъулият юклайди.

Таъкидланганидек, юртимиз бўйлаб  “Янги Ўзбекистон ёшлари, бирлашайлик!” шиори остида ўтказилган фестиваллар чин маънода етуклик ва ҳақиқий ватанпарварлик кўриги бўлди. Унда тенгдошларимиз ўз иқтидорларини кўрсатиш баробарида катта куч эканликларини ифодалади. Ҳар соҳада фаол йигит-қизлар Ўзбекистоннинг эртаси янада порлоқ эканлигидан дарак. Бу йўлда андижонлик “Ёш адолатчилар” ҳам дадил бораётгани қувонарли.

Қаранг, Президентимиз бизнинг ҳаракатларимизни қуйидагича баҳоладилар: “Янги Ўзбекистонни барпо этишга қаратилган умумхалқ ҳаракати сафларида сиз, азиз ёшларимизнинг қудратли тўлқин бўлиб майдонга чиқаётганингиз юксак таҳсинга сазовордир”. Бу ишонч, бу масъулият. Бунга жавобан ҳар биримиз ўз олдимизга янада катта мақсадлар қўйишимиз, дунё ёшлари билан тенглашишимиз лозим. Негаки, Янги Ўзбекистон бугунги ёшлар билан барпо этилади,  келажак сари қадам қўяди.

Бугун биз сиёсий майдонга ҳам кириб боряпмиз. Фаол депутатлар, лидерлар сони ортиб боряпти. Бу борада ҳам давлатимиз раҳбари  янада фаол бўлишга чақирдилар. Ўз ўрнида  “Биз парламентда ёшларни қўллаб-қувватлаймиз!” деган эзгу ташаббусни илгари сурдилар. Бу сиёсий етук  йигит-қизларни парламент ва маҳаллий кенгашларда иш олиб боришларига янада кенг йўл очади.  Олий Мажлис депутати ва сенаторларига бириктириш орқали фаоллигимиз янада оширилади.

Хулоса қилиб айтганда, Президентимизнинг ишончини оқлаймиз.

Бекзод МУТАЛЛИБОВ,

Ўзбекистон “Адолат” СДП Андижон вилоят

кенгаши “Ёш адолатчилар” қаноти фаоли