Ишончли вакил номзоднинг сайловолди дастури билан таништирди

«Адолат» СДП Қорақалпоғистон Республикаси Кенгаши томонидан партия ҳудудий Кенгаши сайлов штабида брифинг ташкил қилинди. Унда “Адолат” СДПдан Ўзбекистон Республикаси Президентлигига номзод Баҳром Абдуҳалимовнинг Қорақалпоғистон Республикасидаги ишончли вакили Алниязов Айтмурат Исмайлович, партиянинг Қорақалпоғистон Республикаси Кенгаши раиси Н.Қайпбергенов, партия фаоллари, маҳаллий ОАВ вакиллари ва блогерлар иштирок этди. Дастлаб партиядан Президентликка номзод Баҳром Абдуҳалимовнинг таржимаи ҳоли ҳамда сайловолди дастуридаги устувор йўналишларини Қорақалпоғистон Республикаси бўйича ишончли вакили иштирокчиларга таништириб ўтди.

Партиянинг Қорақалпоғистон Республикаси Кенгаши раиси Н.Қайпбергенов сайловолди жараёнларда партиянинг Қорақалпоғистон Республикаси Кенгаши томонидан амалга оширилган тарғибот тадбирлари бўйича маълумот бериб ўтди. Брифинг давомида ишончли вакил ишининг мақсад ва вазифалари, иш режалари ҳамда ишлаш механизмлари ҳақида маълумот берилди.

Сайлов тарғиботи давомида ишончли вакил Қорақалпоғистон Республикасининг барча туман ва шаҳарларда, турли ташкилотларда, корхона ва муассасаларда, турли соҳа вакиллари билан юзма-юз мулоқот қилиши, жумладан оммавий учрашувлар ўтказиши режалаштирилган. Мулоқотларда ишончли вакил фаолиятининг бош мақсади - Президентликка номзод дастурида белгиланган асосий ғоя ва мақсадларни фуқароларга жонли, ҳаётий мисоллар орқали, самимий суҳбат ва савол-жавоблар асносида тушунтиришга, шу билан бирга жойларда мавжуд масалалар юзасидан ҳам фикрлашишга асосий эътибор қаратилади.

«Адолат» СДП Қоракалпоғистон Республикаси

Матбуот хизмати