Ижодий учрашув

“Афшона Абу Али ибн Сино” номидаги жамоат саломатлиги техникумида “Адолат” СДП Пешку туман Кенгаши раиси, туман Кенгаши депутати Ф.Болтаев ташаббуси билан, халқимиз ардоқлаган, таниқли шоира Зулфия Мўминова ҳамда Шодмон Сулаймонлар иштирокида ижодий учрашув бўлиб ўтди. Тадбирда қатнашган БПТ ёшлари ва “Ёшлар қаноти” аъзолари шоира Зулфия Мўминова ва Шодмон Сулаймон ижодига мансуб шеърлардан намуналар ўқишди. 
Ёшлар билан суҳбат жараёнида шоира ўзининг ҳаёти ва ижоди билан боғлиқ ёрқин хотиралар ҳамда болалик йилларини ёдга олди. Ўз шеърларида инсоний меҳр, табиатнинг аҳамияти, қалб кенглиги ва оналик севгиси барқ уриб турган шоира ёшларга ўзининг ҳаётий сабоқларидан ҳам мисоллар келтириб, ўз тажрибаларининг  сир-асрорлари ҳақида тушунчалар берди.
Учрашувда сўзга чиққан устоз ижодкорлар ёш авлоднинг ҳар томонлама етук ва баркамол бўлиб улғайиши учун давлатимиз томонидан катта имкониятлар яратиб берилаётгани, улурнинг бадиий ижод билан шуғулланишлари учун кўрсатилаётган ғамхўрликни алоҳида таъкидлаб ўтдилар.
Учрашув мароқли ва мазмунли ўтиб, ёшларнинг маънавияти ҳамда тафаккури юксалишида ўзининг муносиб ҳиссасини қўшди.

 “Адолат” СДП Бухоро вилоят Кенгаши
Матбуот хизмати