Йил фаоллари тақдирланди

Куни кеча «Адолат» СДП Бухоро вилояти Кенгаши томонидан Бухоро ИИВ академик лицейининг бир гуруҳ ўқитувчилари Бахшулло Нарзиев, Ихтиёр Хамроев ва Ашраф Рўзиевлар жорий йил мобайнида партия билан ҳамкорликда партиянинг устувор мақсад ва ғояларини ҳаётга татбиқ этишда фаоллик кўрсатгани ҳамда бугунги ижтимоий-сиёсий ҳаётдаги фаол иштироки учун фахрий ёрлиқ ва Янги йил совғалари билан тақдирландилар.

Шунингдек, жорий йилда партия томонидан ўтказилган «Конституция билимдони» кўрик-танловида ИИВ академик лицейи ўқувчиси Тофиқбек Акрамов танловнинг республика босқичида фахрли 3-ўринни эгаллаганини қайд этиш лозим. 

Бу каби кўплаб танловларда лицей ўқувчилари фидойи устозлари бошчилигида фаол қатнашиб, муносиб ўринларга сазовор бўлиб келмоқдалар. Албатта айтиш лозимки, ана шундай ҳар томонлама илғор ёшларимизнинг камол топишларида меҳнаткаш устозларнинг ўрни беқиёсдир.

Биз «Адолат» СДП Бухоро вилояти Кенгаши номидан Бухоро ИИВ академик лицейи ўқитувчилари ҳамда фаолларига келаётган 2022 йил бунданда омадли келиб, юқори марраларни забт этишларини, янги йил омад ва муваффақиятлар йили бўлишини тилаб қоламиз.

«Адолат» СДП Бухоро вилоят Кенгаши матбуот хизмати