Келажак – баркамол ёшлар қўлида

«Адолат» СДПдан Ўзбекистон Республикаси Президентлигига номзод Абдуҳалимов Баҳром Абдураҳимовичнинг Қорақалпоғистон Республикасидаги ишончли вакили Альниязов Айтмурат Исмаилович Нукус шаҳридаги Нукус давлат педагогика институтида талаба ёшлар ва  ўқитувчилар билан учрашди. Учрашувда партия ходимлари, депутатлар, маҳалла фаоллари, ёшлар ва хотин-қизлар ҳамда оммавий ахборот воситалари вакиллари иштирок этишди.

Учрашувни «Адолат» социал-демократик партияси Қорақалпоғистон Республикаси Кенгаши  раиси Нурлыбай Қайпбергенов кириш сўзи билан очди ва номзоднинг Қорақалпоғистон Республикаси бўйича ишончли вакили - Ўзбекистон Республикаси Фанлар академияси Қорақалпоғистон Республикаси бўлими, Қорақалпоқ гуманитар фанлар илмий-тадқиқот институти директори Айтмурат Альниязовга сўз берди.

Ишончли вакил дастлаб номзоднинг таржимаи ҳоли ва меҳнат фаолияти хусусида кенг тушунчалар берди.

Тадбирда номзод ва унинг сайловолди дастурини қўллаб-қувватлаб маҳаллий Кенгаш депутатлари, аёллар ва ёшлар вакиллари ўз фикр-мулоҳазаларини билдирди. Шунингдек, тадбир иштирокчилари номзоднинг ишончли вакилидан ўзларининг қизиқтирган саволларига жавоблар олишди.

Расул ҚУДИЯРОВ,

“Адолат” СДП Нукус шаҳар Кенгаши раиси