Китобхонликни ривожлантиришга бағишланган тадбир ташкил этилди

Ўзбекистон Республикаси Вазирлар Маҳкамасининг 2020 йил 14 декабрдаги «2020-2025 йилларда китобхонлик маданиятини ривожлантириш ва қўллаб-қувватлаш миллий дастурини тасдиқлаш тўғрисида»ги 781-қарори ижросини амалга ошириш мақсадида Бўстонлиқ туманидаги ахборот-кутубхона марказида учрашув бўлиб ўтди.

«Адолат» СДП Тошкент вилояти Кенгаши ташаббуси билан ўтказилган тадбирда партиянинг вилоят Кенгаши вакиллари, туман ҳокимлиги, ОАВ вакиллари ва бошқа фаоллар ҳамда талаба-ёшлар иштирок этишди. 

Тадбир давомида  аҳоли айниқса, ёшлар ўртасида китобхонликни ривожлантиришга бағишланган турли қизиқарли шартлар ташкил қилиниб, уларда иштирок этган талаба-ёшлар ўз билим ва иқтидорини намоён этдилар.

Якунда «Адолат» СДП Тошкент вилояти Кенгаши ходимлари томонидан ёшлар ўртасида китобхонликни кенг тарғиб қилишда ташаббус кўрсатган Туман ахборот-кутубхона маркази ходимлари ва ҳудуддаги мактаб ИММБТларига ташаккурномалар ҳамда эсдалик совғалари топширилди.

"Адолат" СДП Тошкент вилояти Кенгаши

Матбуот хизмати